【倫敦打吡】齊陣熱刺 vs 殘陣賓福特｜麥迪臣復出，熱刺前線新化學效應

抖咗幾個月，熱刺攻中占士麥迪臣（James Madison）已經喺足總盃後備上陣，準備喺嚟緊英超比賽對賓福特嘅「倫敦打吡」復出，為前線注入火力。
踏入2024年，兩支倫敦球隊前線兵源都有重要嘅補充，賓褔特有主將東尼坐完波監，上場復出已經入波，助球隊以3-2擊敗諾定咸森林。而熱刺就有新援添姆雲拿加盟，但佢回歸英超後似乎仲未擺脫腳頭無靈嘅黑氣，要依靠麥迪臣復出派牌，先可以期待前線新組合有更多火花。

但賓福特嘅問題，又點只一個星級前鋒就可以解決？