車路士重點針對 曼城主場痛失兩分｜比賽分析
曼城主場表現甩碌，周末英超被車路士作客迫和1-1，榜首競爭優勢繼續被利物浦、阿仙奴拉開。呢場波曼城失分嘅原因，在於由幾個核心球員倦勤所引致嘅組織困境，喺唔能夠喺狹窄嘅空間裏面釋放壓力，被車路士重點針對之餘，再有夏蘭特劍鋒挫頓，令曼城整體打唔出應有嘅霸氣，只能靠洛迪喺比賽末段追和，先至執返一分。
一如以往，史東斯唔打正選嘅時候，中堅＋防中合體嘅角色由阿簡治客串，後場組織就冇咁流暢，面對加拉加、史達寧壓迫時往往會保守回傳，而唔係進一步向前推進。
艾華利斯、迪布尼同列中場，「蜘蛛仔」艾華利斯嘅戰術泛用性愈嚟愈成熟，但就係少咗施華喺後面嘅流暢性，反而中鋒出身嘅佢，由中場起跑直線衝擊防線嘅能力比較好，配合迪布尼嘅車仔中後兩線嘅持球組織，嘗試對車路士嘅後防製造威脅。
曼城喺核心球員傷缺下造成組織不順嘅困境，更突顯車路士有秩序嘅壓迫。普捷天奴今季最鍾意用嘅中場三人組，有卡斯度、安素費南迪斯喺後面，干拿加拉加可以發揮自己box-to-box嘅特性，今場打4-2-3-1攻中嘅佢同中鋒積遜一齊壓迫曼城最後嘅組織點，同埋會喺阿簡治、洛迪呢對雙防中之間遮線，進一步削減曼城中路組織嘅威力。
因為中路組織不順，曼城要不斷向內收縮嘅進攻空間，對此，左右翼史達寧、彭馬位置稍稍向內收縮，令曼城更難釋放壓力。呢個情況下，曼城大可以偷襲車路士空出嚟嘅左路，尤其是杜古今場喺左翼打正選，佢今場10次過人有3次成功，但今場被狀態上佳嘅古斯度守住，同時有彭馬回撤夾擊，威脅欠奉。
講起彭馬，今場佢除咗防守落力外，喺母會面前發揮出進攻上嘅進步，多次準確嘅傳球迫使曼城後場不斷後撤，比賽到剩20分鐘，先至被中堅查洛巴入替換成5-3-2陣式。無奈最後曼城都係入返球迫和，但彭馬嘅表現已經相當唔錯。
而彭馬一樣，曾經效力過曼城嘅師兄史達寧今場都係倒戈，雖然有1球進帳令車路士意外領先，但佢容易錯失黃金機會嘅特性依然冇變，佢同積遜本身更有機會拉開超過1球嘅優勢。
總括而言，車路士喺球員質素不及曼城嘅情況下，今季兩度迫和呢支衛冕冠軍，證明爛船尚有三分釘。
一如以往，史東斯唔打正選嘅時候，中堅＋防中合體嘅角色由阿簡治客串，後場組織就冇咁流暢，面對加拉加、史達寧壓迫時往往會保守回傳，而唔係進一步向前推進。
艾華利斯、迪布尼同列中場，「蜘蛛仔」艾華利斯嘅戰術泛用性愈嚟愈成熟，但就係少咗施華喺後面嘅流暢性，反而中鋒出身嘅佢，由中場起跑直線衝擊防線嘅能力比較好，配合迪布尼嘅車仔中後兩線嘅持球組織，嘗試對車路士嘅後防製造威脅。
曼城喺核心球員傷缺下造成組織不順嘅困境，更突顯車路士有秩序嘅壓迫。普捷天奴今季最鍾意用嘅中場三人組，有卡斯度、安素費南迪斯喺後面，干拿加拉加可以發揮自己box-to-box嘅特性，今場打4-2-3-1攻中嘅佢同中鋒積遜一齊壓迫曼城最後嘅組織點，同埋會喺阿簡治、洛迪呢對雙防中之間遮線，進一步削減曼城中路組織嘅威力。
因為中路組織不順，曼城要不斷向內收縮嘅進攻空間，對此，左右翼史達寧、彭馬位置稍稍向內收縮，令曼城更難釋放壓力。呢個情況下，曼城大可以偷襲車路士空出嚟嘅左路，尤其是杜古今場喺左翼打正選，佢今場10次過人有3次成功，但今場被狀態上佳嘅古斯度守住，同時有彭馬回撤夾擊，威脅欠奉。
講起彭馬，今場佢除咗防守落力外，喺母會面前發揮出進攻上嘅進步，多次準確嘅傳球迫使曼城後場不斷後撤，比賽到剩20分鐘，先至被中堅查洛巴入替換成5-3-2陣式。無奈最後曼城都係入返球迫和，但彭馬嘅表現已經相當唔錯。
而彭馬一樣，曾經效力過曼城嘅師兄史達寧今場都係倒戈，雖然有1球進帳令車路士意外領先，但佢容易錯失黃金機會嘅特性依然冇變，佢同積遜本身更有機會拉開超過1球嘅優勢。
總括而言，車路士喺球員質素不及曼城嘅情況下，今季兩度迫和呢支衛冕冠軍，證明爛船尚有三分釘。