【曼市打吡】夏蘭特迪布尼失色，尚有科頓世界波救世

夏蘭特、迪布尼兩大巨星齊齊交唔出表現之際，尚有親生仔菲爾科頓（Phil Foden）橫空殺出，喺伊蒂哈德球場大殺四方，再一次喺曼市打吡贏波。
一如近兩季嘅佈陣，哥迪奧拿喺呢場大戰擺出4-3-3，左中兩路有快翼杜古、神鋒夏蘭特同對手硬碰硬，堅守右翼嘅科頓有唔少球權，縱使內收中堅位嘅右閘獲加唔會成日overlap上前線，今場波曼城有史東斯在陣，同洛迪一齊逗住中場，令貝拿度施華可以更多時間留喺中前場，進而比迪布尼有更多機會支援右邊嘅科頓。