【知音難再覓】高普哥帥英超最終戰 為一個時代劃下句點
呢個時代嘅英超兩大巨頭，今個週末迎嚟最後一戰。
曼城同利物浦嘅競爭，開創英超一個新嘅時代，隨住高普（Jürgen Klopp）即將告別英格蘭球壇，佢同哥迪奧拿（Pep Guardiola）之間喺英超嘅對決，都迎嚟最後嘅End Game。
高普喺2015/16球季開季後冇耐加盟利物浦，哥迪奧拿就季後降臨曼城。兩位都係現今英超20隊之中，執教現隊時日最長嘅教頭，喺而家競爭咁白熱化嘅聯賽環境之下，相當難得。
而佢哋能夠撐起個記錄，靠嘅係呢段長時間以嚟，各自對自己球隊經營有道，各自取得成功。
喺利物浦季季追擊嘅壓之力下，哥迪奧拿帶領曼城喺英超成功完成三連霸，上季更達成三冠王創舉，打破歐聯冠軍呢個魔咒。高普就喺曼城堀起嘅年代，成功捧起利物浦隊史第一個英超冠軍，完成呢代球迷夢寐以求嘅夢想。
兩位教頭各自喺英格蘭取得成功，用數字比較誰高誰低，實屬無謂。
唔似得以前摩連奴喺車仔嗰時，吓吓都同其他教頭口誅筆伐（尤其是阿仙奴嘅雲加），高普同哥迪奧拿喺鏡頭前一直互相尊重，唔係扮出嚟，而係由心而發對對方嘅尊敬，兩個人亦幾乎冇喺記者面前怒罵對方。可能有啲球迷覺得咁樣「冇火」、「無聊」，但至少佢哋唔係咁諗，展示出呢個世代兩個強者之間嘅風度。
而喺呢段兩強對決嘅時代，兩人都各自喺對手嘅成功之路取經自用。高普由加盟開初就強調迫搶，多季以嚟喺隊內汰弱留強，確保個個球員身體質素都能夠負擔得到佢對全隊迫搶反擊嘅要求。與此同時，佢喺曼城身上睇到傳控嘅重要性，以前有「偽九號」費明奴回撤中場，而家有阿歷山大阿諾發展成「偽右閘」加入中場，為嘅係自己套陣容能夠更趨全能。
相對而言，哥迪奧拿經歷同利物浦嘅競爭，喺延續自己控球體系嘅同時，對全隊迫搶嘅要求都一直有提高。幾季前阿古路被貶後備、而家貝拿度施華加入中場中...等等細節都睇到哥迪奧拿精益求精嘅精神。
高普同哥迪奧拿，兩強生於同一個世代，競爭於同一個聯賽，與其話佢兩個係你死我活嘅「宿敵」，不如話係旗鼓相當嘅「知音」，唔止互相輝映，唔止令各自球會進步，仲帶動整個聯賽前發展。
以後嘅足球歷史，唔知會唔會再出現呢個場面，今個週末，值得大家格外珍惜。
曼城同利物浦嘅競爭，開創英超一個新嘅時代，隨住高普（Jürgen Klopp）即將告別英格蘭球壇，佢同哥迪奧拿（Pep Guardiola）之間喺英超嘅對決，都迎嚟最後嘅End Game。
高普喺2015/16球季開季後冇耐加盟利物浦，哥迪奧拿就季後降臨曼城。兩位都係現今英超20隊之中，執教現隊時日最長嘅教頭，喺而家競爭咁白熱化嘅聯賽環境之下，相當難得。
而佢哋能夠撐起個記錄，靠嘅係呢段長時間以嚟，各自對自己球隊經營有道，各自取得成功。
喺利物浦季季追擊嘅壓之力下，哥迪奧拿帶領曼城喺英超成功完成三連霸，上季更達成三冠王創舉，打破歐聯冠軍呢個魔咒。高普就喺曼城堀起嘅年代，成功捧起利物浦隊史第一個英超冠軍，完成呢代球迷夢寐以求嘅夢想。
兩位教頭各自喺英格蘭取得成功，用數字比較誰高誰低，實屬無謂。
唔似得以前摩連奴喺車仔嗰時，吓吓都同其他教頭口誅筆伐（尤其是阿仙奴嘅雲加），高普同哥迪奧拿喺鏡頭前一直互相尊重，唔係扮出嚟，而係由心而發對對方嘅尊敬，兩個人亦幾乎冇喺記者面前怒罵對方。可能有啲球迷覺得咁樣「冇火」、「無聊」，但至少佢哋唔係咁諗，展示出呢個世代兩個強者之間嘅風度。
而喺呢段兩強對決嘅時代，兩人都各自喺對手嘅成功之路取經自用。高普由加盟開初就強調迫搶，多季以嚟喺隊內汰弱留強，確保個個球員身體質素都能夠負擔得到佢對全隊迫搶反擊嘅要求。與此同時，佢喺曼城身上睇到傳控嘅重要性，以前有「偽九號」費明奴回撤中場，而家有阿歷山大阿諾發展成「偽右閘」加入中場，為嘅係自己套陣容能夠更趨全能。
相對而言，哥迪奧拿經歷同利物浦嘅競爭，喺延續自己控球體系嘅同時，對全隊迫搶嘅要求都一直有提高。幾季前阿古路被貶後備、而家貝拿度施華加入中場中...等等細節都睇到哥迪奧拿精益求精嘅精神。
高普同哥迪奧拿，兩強生於同一個世代，競爭於同一個聯賽，與其話佢兩個係你死我活嘅「宿敵」，不如話係旗鼓相當嘅「知音」，唔止互相輝映，唔止令各自球會進步，仲帶動整個聯賽前發展。
以後嘅足球歷史，唔知會唔會再出現呢個場面，今個週末，值得大家格外珍惜。