【歐聯十六強】今季葡超最強防守 阿仙奴對波圖何以久攻不下？｜比賽分析
幾經辛苦，阿仙奴殺到互射十二碼，先至喺歐聯十六強淘汰波圖。比比嘅領導之下，波圖打出銅牆鐵壁一樣嘅防守表現。而佐真奴嘅次回合嘅表現，就係為咗嘗試解開波圖嘅八門金鎖，最後成功打到加時，再用十二碼定勝負。
波圖目前喺葡超排名第三，今季稍稍落後於士砵亭、賓菲加呢兩支國內競敵，但防守係今季波圖嘅建隊主軸，25場比賽僅失17球，係葡超失球最少嘅一隊之餘，場均失不過0.7球的數字，顯示出佢哋嘅穩定性。
以4-5-1陣式為根基佈出mid-block位置嘅防守，中場中路嘅阿昆奴、干沙利斯、華利拿三人視情況調整企位，比較常見以4-2-3-1嘅形態收縮中路，目標係防止奧迪加特、夏維斯喺波圖嘅中後兩線之間輕鬆接波。要做到呢點，波圖唯有少做整體嘅前場迫搶，放任阿仙奴中後場來回猜傳，嚟維持陣型嘅完整，令對手猜極唔入。
以往喺皇馬榮譽無數嘅比比大哥，早幾季返到母會波圖，年過40歲依然能夠保持喺葡超同歐聯搵食嘅身體質素，佢嘅經驗同領導力對波圖嘅防守嚟講，更加係無價之寶。
阿仙奴中路久攻不下，去到前場嘅輸送屢被切斷，不斷轉邊尋找機會，馬天尼利、沙卡兩翼喺波圖嘅陣型外邊等波，有接波機會再嘗試向內切入。
馬天尼利首回合交出4次盤球，居全場之首，但次回合受傷缺陣，阿迪達嘅plan B係將托沙移去4-3-3嘅左翼，夏維斯推上箭頭打偽九號。托沙係一個慣性喺中路同half-space造波嘅輔助，令阿仙奴單兵拉邊嘅效果打折。如是者，喺首回合比較多喺中路造波嘅阿仙奴兩閘，喺次回合更多喺邊路插上，補上次回合邊路能力不足嘅困境。
而喺首回合末段上陣嘅佐真奴，喺次回合正選上陣，令本身有懷斯、奧迪加特在陣嘅阿仙奴中場之上，添加唔少靈活性，以及一腳劏穿波圖陣型嘅可能性。坐陣墮後核心嘅位置指揮若定，佐真奴提供冷靜、少失誤嘅屬性，用中長距離嘅精準傳球，更有可能進行破壞波圖嘅防守結構。如是者，阿仙奴兩閘都更放心壓上，唔駛時時擔心波圖嘅反擊直入阿仙奴中路。
攻足上半場，見到波圖陣型少有地出現凌亂，40分鐘托沙喺左路策動one-two，奧加特K角位傳波一穿三，托沙接球後面對比比，喺窄角度捉到哥斯達遠柱，艱險追和總比數1-1 。
但波圖嘅防守韌性冇因此而下降，繼續保持防守之餘，反擊嘅機會都比首回合喺主場多。同阿仙奴消耗90分鐘，主帥干斯卡奧喺加時前後先至換人，一直唔比阿仙奴再下一城。
總歸兩回合，波圖嘅紀律同防守能力令人欽佩，絕對有爆冷嘅本錢，可惜只係差臨門一腳，兵敗十六強。
波圖目前喺葡超排名第三，今季稍稍落後於士砵亭、賓菲加呢兩支國內競敵，但防守係今季波圖嘅建隊主軸，25場比賽僅失17球，係葡超失球最少嘅一隊之餘，場均失不過0.7球的數字，顯示出佢哋嘅穩定性。
以4-5-1陣式為根基佈出mid-block位置嘅防守，中場中路嘅阿昆奴、干沙利斯、華利拿三人視情況調整企位，比較常見以4-2-3-1嘅形態收縮中路，目標係防止奧迪加特、夏維斯喺波圖嘅中後兩線之間輕鬆接波。要做到呢點，波圖唯有少做整體嘅前場迫搶，放任阿仙奴中後場來回猜傳，嚟維持陣型嘅完整，令對手猜極唔入。
以往喺皇馬榮譽無數嘅比比大哥，早幾季返到母會波圖，年過40歲依然能夠保持喺葡超同歐聯搵食嘅身體質素，佢嘅經驗同領導力對波圖嘅防守嚟講，更加係無價之寶。
阿仙奴中路久攻不下，去到前場嘅輸送屢被切斷，不斷轉邊尋找機會，馬天尼利、沙卡兩翼喺波圖嘅陣型外邊等波，有接波機會再嘗試向內切入。
馬天尼利首回合交出4次盤球，居全場之首，但次回合受傷缺陣，阿迪達嘅plan B係將托沙移去4-3-3嘅左翼，夏維斯推上箭頭打偽九號。托沙係一個慣性喺中路同half-space造波嘅輔助，令阿仙奴單兵拉邊嘅效果打折。如是者，喺首回合比較多喺中路造波嘅阿仙奴兩閘，喺次回合更多喺邊路插上，補上次回合邊路能力不足嘅困境。
而喺首回合末段上陣嘅佐真奴，喺次回合正選上陣，令本身有懷斯、奧迪加特在陣嘅阿仙奴中場之上，添加唔少靈活性，以及一腳劏穿波圖陣型嘅可能性。坐陣墮後核心嘅位置指揮若定，佐真奴提供冷靜、少失誤嘅屬性，用中長距離嘅精準傳球，更有可能進行破壞波圖嘅防守結構。如是者，阿仙奴兩閘都更放心壓上，唔駛時時擔心波圖嘅反擊直入阿仙奴中路。
攻足上半場，見到波圖陣型少有地出現凌亂，40分鐘托沙喺左路策動one-two，奧加特K角位傳波一穿三，托沙接球後面對比比，喺窄角度捉到哥斯達遠柱，艱險追和總比數1-1 。
但波圖嘅防守韌性冇因此而下降，繼續保持防守之餘，反擊嘅機會都比首回合喺主場多。同阿仙奴消耗90分鐘，主帥干斯卡奧喺加時前後先至換人，一直唔比阿仙奴再下一城。
總歸兩回合，波圖嘅紀律同防守能力令人欽佩，絕對有爆冷嘅本錢，可惜只係差臨門一腳，兵敗十六強。