【曼聯新星】文奴火爆上位元素：潛力、努力、沉著、穩定
足總盃八強，曼聯以4-3加時驚險絕殺利物浦晉級。120分鐘嘅比賽裏面，18歲小將文奴（Kobbie Mainoo）出陣80分鐘，當時曼聯落後1球。但試諗吓，以利物浦同曼聯呢幾季咁大嘅實力差距，冇文奴嘅中場嘅穩定性，曼聯分分鐘落後唔只1球咁少。
要問文奴憑咩咁快上位，或者可以先用一句話概括：佢能夠將最簡單嘅工作做到最好。卡斯美路跌watt嘅時候，文奴就為中場提供覆蓋範圍。麥湯文尼逗唔住中場嘅時候，文奴就為中場提供最實用嘅功能：將個波傳去最穩陣，球隊需要嘅位置。
年僅18歲，文奴嘅心態已經非常老練，喺英超咁高壓中場環境之中，都能夠做出正確嘅用球判斷，加上佢實而不實嘅用波能力。傳、停、帶嘅時機恰如其分，補足咗曼聯中場而家所欠缺嘅元素：控制節奏嘅穩定性。
坦赫前年接手曼聯之時，就渴望要有呢一類中場，去減輕般奴費南迪斯嘅工作量。但環顧陣中，雲迪碧克喺英超貨不對辦、艾歷臣身體不如以往、借將沙比薩級數唔夠、麥湯文尼越嚟越似工兵。今季新簽嘅蒙特，更幾乎傷足成年。
呢個背景，造就文奴嘅崛起。文奴控制節奏嘅能力也非常出色，控球在腳時，無論要為球隊避開壓力，定係適時推進攻勢，文奴都已經識得判斷。佢保護球嘅能力非常好，讓佢可以輕易地應對挑戰，而且佢喺轉身同帶球改變方向方面表現出色。
當然，作為一個以穩定性為賣點嘅中場，佢嘅短板就係創造力，攻勢埋到Zone14乃至禁區頂，為球隊主理關鍵一腳，始終要靠般奴拍板。但要般奴之所以能夠趕喺對手迫走個波之前就出到腳，就要靠翼鋒同更後面嘅中場支援。
今季曼聯陷入左閘荒，中堅連迪洛夫多次喺左路客串，球隊後場組織時，已經習慣左閘內收形成嘅三中堅。對利物浦呢場波，坦赫稍作調整，左邊由擅守嘅右閘雲比沙卡客串，作為對位利物浦皇牌沙拿嘅專用武器，當然佢左腳能力不及「冰人」，身在三中堅身前嘅文奴，要更多時間緊貼後場，比多啲支援。
潛力同努力，沉著同穩定，成就呢位中場新星。 即使被換落場時，曼聯以2-1落後，但球隊能夠同利物浦大致打成均勢，文奴嘅努力功不可沒，落場一刻全場得到全場曼迷鼓掌致意，佢嘅貢獻由此可見一班。
要問文奴憑咩咁快上位，或者可以先用一句話概括：佢能夠將最簡單嘅工作做到最好。卡斯美路跌watt嘅時候，文奴就為中場提供覆蓋範圍。麥湯文尼逗唔住中場嘅時候，文奴就為中場提供最實用嘅功能：將個波傳去最穩陣，球隊需要嘅位置。
年僅18歲，文奴嘅心態已經非常老練，喺英超咁高壓中場環境之中，都能夠做出正確嘅用球判斷，加上佢實而不實嘅用波能力。傳、停、帶嘅時機恰如其分，補足咗曼聯中場而家所欠缺嘅元素：控制節奏嘅穩定性。
坦赫前年接手曼聯之時，就渴望要有呢一類中場，去減輕般奴費南迪斯嘅工作量。但環顧陣中，雲迪碧克喺英超貨不對辦、艾歷臣身體不如以往、借將沙比薩級數唔夠、麥湯文尼越嚟越似工兵。今季新簽嘅蒙特，更幾乎傷足成年。
呢個背景，造就文奴嘅崛起。文奴控制節奏嘅能力也非常出色，控球在腳時，無論要為球隊避開壓力，定係適時推進攻勢，文奴都已經識得判斷。佢保護球嘅能力非常好，讓佢可以輕易地應對挑戰，而且佢喺轉身同帶球改變方向方面表現出色。
當然，作為一個以穩定性為賣點嘅中場，佢嘅短板就係創造力，攻勢埋到Zone14乃至禁區頂，為球隊主理關鍵一腳，始終要靠般奴拍板。但要般奴之所以能夠趕喺對手迫走個波之前就出到腳，就要靠翼鋒同更後面嘅中場支援。
今季曼聯陷入左閘荒，中堅連迪洛夫多次喺左路客串，球隊後場組織時，已經習慣左閘內收形成嘅三中堅。對利物浦呢場波，坦赫稍作調整，左邊由擅守嘅右閘雲比沙卡客串，作為對位利物浦皇牌沙拿嘅專用武器，當然佢左腳能力不及「冰人」，身在三中堅身前嘅文奴，要更多時間緊貼後場，比多啲支援。
潛力同努力，沉著同穩定，成就呢位中場新星。 即使被換落場時，曼聯以2-1落後，但球隊能夠同利物浦大致打成均勢，文奴嘅努力功不可沒，落場一刻全場得到全場曼迷鼓掌致意，佢嘅貢獻由此可見一班。