由確診睾丸癌，到非洲盃冠軍 - 賀拿談復出之路：當時判若兩人，心力交瘁
科特迪瓦中鋒賀拿（Sebastién Haller）幾年前轉會多蒙特嘅時候不幸確診睾丸癌，當時球壇上下一心表達支持。走過一段苦澀嘅康復之路，賀拿而家重拾虎威，今年仲隨國家隊獲得非洲盃冠軍，過程相當勵志。
賀拿2019年加盟韋斯咸，睇開英超嘅球迷，大多都會認為呢單deal貨不對辦，喺倫敦表現平平，賀拿征戰英超一年半就轉戰荷甲阿積士，轉會費仲比起當初加盟韋斯咸嗰陣平咗一半。降低聯賽標準後，賀拿重獲新生，佢融入到坦赫嘅體系，身在阿積士連贏兩次荷甲，生涯首奪聯賽冠軍。之後被多蒙特睇中，成為新世代神鋒夏蘭特離開後嘅後繼人選。「當我喺多蒙特嘅時候，我問醫生能唔能夠做個心臟超聲波檢查，佢哋發現有啲嘢壓住咗我個肚。」 奈何天意弄人，賀拿加盟後連熱身賽都未參加，就喺隊內身體檢查之中被驗出生殖器有腫瘤：「第二日我做咗個核磁共振掃描，佢哋發現有腫瘤。」
賀拿接受《The Athletic》專訪，回憶起呢段心路歷程：「佢哋要檢查埋腫瘤係惡性定良性。我哋喺訓練之後檢查，醫生check咗30秒就同我講：『你要做手術，今日或者聽日開始都得。』」醫生診斷嚟得快，賀拿嘅決定都嚟得快，馬上正視問題，開刀治理。
接受腫瘤去除手術之後，賀拿馬上開始化療，包括喺醫院住院五日，來回開刀善後，清走體內異物。當時賀拿啱啱由荷甲加盟德甲，仲要揸車來回德國荷蘭兩地：「揸得返屋企，已經係凌晨兩點。明明第二日仲要訓練，但我當時只想留喺床上，企都企唔穩。」
由正式加盟到首次上陣，賀拿經歷長達半年嘅空窗期，呢段時間嘅佢唔係休息，而係休養。「心力交瘁」呢四隻字，足以形容佢當時嘅情況。 「當時自己判若兩人，我當時仲捱緊苦，都要盡力去表現最好。」
「對身邊嘅人隱藏情緒，唔係一件易事。」身體嘅痛苦，影響埋心理嘅健康，賀拿當時感覺到耐性被消磨，更加情緒化同火爆，但都要同身邊人保持溝通，互相理解。呢段時間，賀拿身邊嘅屋企人都比咗無限嘅支持佢。
到咗2022年世界盃後，賀拿先至正式重回一隊，喺德甲重啟後首場比賽上演個人喺多仔嘅地標戰，後備入替28分鐘，助球隊以4-3擊敗奧格斯堡，踏入二月後更取得首個入波。賀拿融入得極快，使多蒙特喺世界盃後打出一段驚為天人嘅八連勝，形成同拜仁慕尼黑相爭嘅局面。
到咗聯賽尾聲，賀拿愈踢愈上力，尾四至尾二嘅3場波豪取5球3助攻，為球隊hold住些微嘅榜首優勢。可惜到煞科戰被緬恩斯迫和2-2，令多蒙特始終同冠軍失之交臂，賀拿嘅英雄故事都功敗垂成。
但機會總係留比努力嘅人，喺法國國家隊各個年青梯隊效力嘅賀拿，成年隊就決定轉籍到科特迪瓦，今年非洲盃以主力身份參加，全程比賽貢獻2個入球，包括決賽對尼日利亞喺81分鐘嘅奠勝入波，助科特迪瓦再度捧盃。
賀拿2019年加盟韋斯咸，睇開英超嘅球迷，大多都會認為呢單deal貨不對辦，喺倫敦表現平平，賀拿征戰英超一年半就轉戰荷甲阿積士，轉會費仲比起當初加盟韋斯咸嗰陣平咗一半。降低聯賽標準後，賀拿重獲新生，佢融入到坦赫嘅體系，身在阿積士連贏兩次荷甲，生涯首奪聯賽冠軍。之後被多蒙特睇中，成為新世代神鋒夏蘭特離開後嘅後繼人選。「當我喺多蒙特嘅時候，我問醫生能唔能夠做個心臟超聲波檢查，佢哋發現有啲嘢壓住咗我個肚。」 奈何天意弄人，賀拿加盟後連熱身賽都未參加，就喺隊內身體檢查之中被驗出生殖器有腫瘤：「第二日我做咗個核磁共振掃描，佢哋發現有腫瘤。」
賀拿接受《The Athletic》專訪，回憶起呢段心路歷程：「佢哋要檢查埋腫瘤係惡性定良性。我哋喺訓練之後檢查，醫生check咗30秒就同我講：『你要做手術，今日或者聽日開始都得。』」醫生診斷嚟得快，賀拿嘅決定都嚟得快，馬上正視問題，開刀治理。
接受腫瘤去除手術之後，賀拿馬上開始化療，包括喺醫院住院五日，來回開刀善後，清走體內異物。當時賀拿啱啱由荷甲加盟德甲，仲要揸車來回德國荷蘭兩地：「揸得返屋企，已經係凌晨兩點。明明第二日仲要訓練，但我當時只想留喺床上，企都企唔穩。」
由正式加盟到首次上陣，賀拿經歷長達半年嘅空窗期，呢段時間嘅佢唔係休息，而係休養。「心力交瘁」呢四隻字，足以形容佢當時嘅情況。 「當時自己判若兩人，我當時仲捱緊苦，都要盡力去表現最好。」
「對身邊嘅人隱藏情緒，唔係一件易事。」身體嘅痛苦，影響埋心理嘅健康，賀拿當時感覺到耐性被消磨，更加情緒化同火爆，但都要同身邊人保持溝通，互相理解。呢段時間，賀拿身邊嘅屋企人都比咗無限嘅支持佢。
到咗2022年世界盃後，賀拿先至正式重回一隊，喺德甲重啟後首場比賽上演個人喺多仔嘅地標戰，後備入替28分鐘，助球隊以4-3擊敗奧格斯堡，踏入二月後更取得首個入波。賀拿融入得極快，使多蒙特喺世界盃後打出一段驚為天人嘅八連勝，形成同拜仁慕尼黑相爭嘅局面。
到咗聯賽尾聲，賀拿愈踢愈上力，尾四至尾二嘅3場波豪取5球3助攻，為球隊hold住些微嘅榜首優勢。可惜到煞科戰被緬恩斯迫和2-2，令多蒙特始終同冠軍失之交臂，賀拿嘅英雄故事都功敗垂成。
但機會總係留比努力嘅人，喺法國國家隊各個年青梯隊效力嘅賀拿，成年隊就決定轉籍到科特迪瓦，今年非洲盃以主力身份參加，全程比賽貢獻2個入球，包括決賽對尼日利亞喺81分鐘嘅奠勝入波，助科特迪瓦再度捧盃。