【歐聯八強】麥巴比重重受制 巴塞作客取1球優勢｜比賽分析
歐聯八強首回拿，巴塞隆拿作客巴黎聖日耳門先贏3-2，勝在壓制對手星級主將麥巴比，以及對巴黎嘅壓迫應對得宜。
如同近期喺法國國內嘅比賽一樣，巴黎變成4-3-1-2陣式，唔同嘅係換成丹比利、麥巴比以雙箭頭身份搵邊路嘅空位，佢哋身後有阿辛斯奧支援。即使今場右閘夏基美因為領5張黃牌而停賽，巴黎聖日耳門仍然喺右路猛攻巴塞。
主場出擊，而且巴塞入局稍為慢熱，巴黎決定大舉壓迫。阿辛斯奧喺球隊控失波時，會沉向左路繼續壓迫，以求喺巴塞嘅後場原地發動反擊，比麥巴比有直接對付門將嘅機會。畢竟巴塞中堅阿羅祖速度飛快，早已為單防麥巴比做好準備。
巴塞隆拿嘅4-3-3陣式，防守時維持4-4-2形狀，羅拔圖同迪莊守實中路，根度簡就對應巴黎墮後中場域天拿。而域天拿反過來，同樣都要主力盯住今季狀態大勇嘅根度簡。而根度簡因為成日壓上同利雲平排，令域天拿有過度沉退嘅情況出現，雙中場李剛仁、法比安魯伊斯如果跟唔上，咁巴黎防線前就會變得空虛，特別係迪莊有更多機會喺中路造波。
不過巴塞開波後，始終受制於巴黎嘅壓迫，巴塞控球冇咁順暢，甚至高波都出埋嚟，要利雲喺前線爭頂，勉強維持進攻。長此下去，會增加對利雲嘅消耗。不過情況漸入佳境，慢慢重奪比賽節奏嘅控制，37分鐘有拉芬拿先開紀錄。
巴黎都唔係完全被反制，主帥安歷基下半場換成三中堅，翼鋒巴高拿客串右翼衛，大膽改變球隊架構之下，換邊後6分鐘就反超前2-1。隨後就用防中新星薩伊安美利入替李康仁，增加控球質素，不求魯莽進攻。
落後比數，巴塞全軍冇表現急躁。沙維用10分鐘觀察對手新陣嘅虛實，同時比羅拔圖喺呢段時間用盡氣力去迫，再喺61分鐘被柏迪入替。柏迪馬上交出助攻，拉芬拿梅開二度扳平。
77分鐘，沙維換多次人，防中基斯甸臣今場第一次掂波，就係反超前嘅頭槌入波。巴黎戰至最後加入中鋒干沙路拉莫斯，都無法扭轉敗局，被巴塞隆拿以1球優勢結束首回合。
今場波，巴黎敗在主將麥巴比被巴塞成功重點針對。佢所在嘅左路有阿辛斯奧、文迪斯一齊支援，但巴塞右路兩個守將高安迪、阿拿祖夾咗咁耐，默契好之餘，兩個都係有防守技術同速度。被寄予厚望嘅17歲小將古巴斯都冇乜甩漏，唔駛兩位師兄成日補位，令巴黎難以拉開空間。
如同近期喺法國國內嘅比賽一樣，巴黎變成4-3-1-2陣式，唔同嘅係換成丹比利、麥巴比以雙箭頭身份搵邊路嘅空位，佢哋身後有阿辛斯奧支援。即使今場右閘夏基美因為領5張黃牌而停賽，巴黎聖日耳門仍然喺右路猛攻巴塞。
主場出擊，而且巴塞入局稍為慢熱，巴黎決定大舉壓迫。阿辛斯奧喺球隊控失波時，會沉向左路繼續壓迫，以求喺巴塞嘅後場原地發動反擊，比麥巴比有直接對付門將嘅機會。畢竟巴塞中堅阿羅祖速度飛快，早已為單防麥巴比做好準備。
巴塞隆拿嘅4-3-3陣式，防守時維持4-4-2形狀，羅拔圖同迪莊守實中路，根度簡就對應巴黎墮後中場域天拿。而域天拿反過來，同樣都要主力盯住今季狀態大勇嘅根度簡。而根度簡因為成日壓上同利雲平排，令域天拿有過度沉退嘅情況出現，雙中場李剛仁、法比安魯伊斯如果跟唔上，咁巴黎防線前就會變得空虛，特別係迪莊有更多機會喺中路造波。
不過巴塞開波後，始終受制於巴黎嘅壓迫，巴塞控球冇咁順暢，甚至高波都出埋嚟，要利雲喺前線爭頂，勉強維持進攻。長此下去，會增加對利雲嘅消耗。不過情況漸入佳境，慢慢重奪比賽節奏嘅控制，37分鐘有拉芬拿先開紀錄。
巴黎都唔係完全被反制，主帥安歷基下半場換成三中堅，翼鋒巴高拿客串右翼衛，大膽改變球隊架構之下，換邊後6分鐘就反超前2-1。隨後就用防中新星薩伊安美利入替李康仁，增加控球質素，不求魯莽進攻。
落後比數，巴塞全軍冇表現急躁。沙維用10分鐘觀察對手新陣嘅虛實，同時比羅拔圖喺呢段時間用盡氣力去迫，再喺61分鐘被柏迪入替。柏迪馬上交出助攻，拉芬拿梅開二度扳平。
77分鐘，沙維換多次人，防中基斯甸臣今場第一次掂波，就係反超前嘅頭槌入波。巴黎戰至最後加入中鋒干沙路拉莫斯，都無法扭轉敗局，被巴塞隆拿以1球優勢結束首回合。
今場波，巴黎敗在主將麥巴比被巴塞成功重點針對。佢所在嘅左路有阿辛斯奧、文迪斯一齊支援，但巴塞右路兩個守將高安迪、阿拿祖夾咗咁耐，默契好之餘，兩個都係有防守技術同速度。被寄予厚望嘅17歲小將古巴斯都冇乜甩漏，唔駛兩位師兄成日補位，令巴黎難以拉開空間。