梅開二度為巴塞奠勝 拉芬拿完成救犢之戰
6射門、4射正、2入球，賽後更獲選為MOTM。巴塞隆拿翼鋒拉芬拿（Raphinha）喺王子公園球場光芒四射，背後係一段努力發奮嘅故事，包括佢願意喺球隊今季困難之中，喺位置上妥協，最終成就呢場比賽嘅成績，喺同巴黎聖日耳門之間嘅歐聯八強搶得先機。
拉芬拿上季季初加巴塞隆拿，作為右翼嘅佢第一次征戰西甲，就有所有賽事雙雙嘅成績，為球隊重奪西甲冠軍。但數據同榮譽嘅背後，係更多嘅失機同魯莽控球表現，加上同位置仲有丹比利（Ousmane Dembélé）嘅競爭，拉芬拿未算係絕對主力。
今季丹比利如願甩身離隊，拉芬拿本應要正式坐正，但紅牌、傷患等等接連而嚟，再加上佢自己狀態都唔穩定，令青訓兵耶馬（Lamine Yamal）有更多上陣機會，而家更加係歐洲其中一個最強超新星。
比起鍾意獨食嘅拉芬拿，年輕十年嘅耶馬心態上更成熟，盤傳帶停技術天賦爆棚，球商更係超乎同齡球員，更貼合而家沙維嘅需求。喺拉芬拿1月受傷期間，耶馬場場踢足90分鐘，奠定未來主力位置，甚至喺歐聯十六強比佢正選機會，令拉芬拿喺右翼位置嘅地置受到威脅。
拉芬拿都了解情況，復出後除咗競爭右翼位置之外，都開始喺左翼位置出現。左腳順足嘅佢，喺左邊內切中路嘅效果當然會被減弱，但係佢開發出移到中路持球造波嘅技能同意識，同左閘簡些路喺左、中路來回換位，壓迫嘅參與都多，為球隊開發出一條新嘅路，同耶馬之間都搵到共存嘅空間。
兩個月嚟嘅努力，令拉芬拿喺對巴黎嘅歐聯八強比賽有正選機會，進而打出咁好嘅表現。
呢場波，鑑於有麥巴比嘅威脅，右閘高安迪唔多壓上，右路由耶馬單兵拉邊，巴塞轉而喺左路有更多發難嘅機會。簡些路今場喺half-space同羅拔圖一齊逗住中場，拉芬拿就同中場根度簡、中鋒利雲度夫斯基形成三人進攻組，直接挑戰PSG臨時拉伕組成嘅後防組合。
呢個過程中，拉芬拿為巴塞先開紀錄，但下半場就被主隊連轟兩球反超前。沙維喺邊61分鐘換人，入替嘅柏迪用1分鐘就為改打右翼嘅拉芬拿送出妙傳助攻，梅開二度為球隊扳平。之後沙維第二次換人，換走表現超卓嘅拉芬拿之後第一個攻勢，就由基斯甸臣頂入反超前3-2嘅入波。
比起今場嘅對手，佢之前嘅競爭對象丹比利，拉芬拿更願意為球隊作出配合，從而成就今日一役。呢場波，可以話係拉芬拿嘅救犢之戰，維持佢喺巴塞嘅前途。
拉芬拿上季季初加巴塞隆拿，作為右翼嘅佢第一次征戰西甲，就有所有賽事雙雙嘅成績，為球隊重奪西甲冠軍。但數據同榮譽嘅背後，係更多嘅失機同魯莽控球表現，加上同位置仲有丹比利（Ousmane Dembélé）嘅競爭，拉芬拿未算係絕對主力。
今季丹比利如願甩身離隊，拉芬拿本應要正式坐正，但紅牌、傷患等等接連而嚟，再加上佢自己狀態都唔穩定，令青訓兵耶馬（Lamine Yamal）有更多上陣機會，而家更加係歐洲其中一個最強超新星。
比起鍾意獨食嘅拉芬拿，年輕十年嘅耶馬心態上更成熟，盤傳帶停技術天賦爆棚，球商更係超乎同齡球員，更貼合而家沙維嘅需求。喺拉芬拿1月受傷期間，耶馬場場踢足90分鐘，奠定未來主力位置，甚至喺歐聯十六強比佢正選機會，令拉芬拿喺右翼位置嘅地置受到威脅。
拉芬拿都了解情況，復出後除咗競爭右翼位置之外，都開始喺左翼位置出現。左腳順足嘅佢，喺左邊內切中路嘅效果當然會被減弱，但係佢開發出移到中路持球造波嘅技能同意識，同左閘簡些路喺左、中路來回換位，壓迫嘅參與都多，為球隊開發出一條新嘅路，同耶馬之間都搵到共存嘅空間。
兩個月嚟嘅努力，令拉芬拿喺對巴黎嘅歐聯八強比賽有正選機會，進而打出咁好嘅表現。
呢場波，鑑於有麥巴比嘅威脅，右閘高安迪唔多壓上，右路由耶馬單兵拉邊，巴塞轉而喺左路有更多發難嘅機會。簡些路今場喺half-space同羅拔圖一齊逗住中場，拉芬拿就同中場根度簡、中鋒利雲度夫斯基形成三人進攻組，直接挑戰PSG臨時拉伕組成嘅後防組合。
呢個過程中，拉芬拿為巴塞先開紀錄，但下半場就被主隊連轟兩球反超前。沙維喺邊61分鐘換人，入替嘅柏迪用1分鐘就為改打右翼嘅拉芬拿送出妙傳助攻，梅開二度為球隊扳平。之後沙維第二次換人，換走表現超卓嘅拉芬拿之後第一個攻勢，就由基斯甸臣頂入反超前3-2嘅入波。
比起今場嘅對手，佢之前嘅競爭對象丹比利，拉芬拿更願意為球隊作出配合，從而成就今日一役。呢場波，可以話係拉芬拿嘅救犢之戰，維持佢喺巴塞嘅前途。