【曼城晉級】車路士好波，唔代表能夠贏波｜比賽分析
好波還好波，輸咗就係輸咗。呢句說話，可以為呢場足總盃嘅賽果定調。
車路士啱啱先喺英超對愛華頓打出一場6-0嘅大勝，足總盃四強就面對衛冕冠軍曼城。進攻主將彭馬今仗再次倒戈，佢曾經喺英超嘅比賽補時十二碼絕殺過曼城，而唔夠一個星期前先上演大四喜，今仗領隊普捷天奴再次對佢委以重任，再一次成為中鋒尼古拉積遜身後嘅輔鋒。
面對前中後三線都有重要球員傷缺嘅曼城，車路士嘅戰術執行得好出色，特別係喺由守轉攻嘅階段，多次令主打高位防線同越位陷阱嘅曼城受到威脅，喺被控制比賽嘅情況下，依然有迫曼城犯錯嘅能力。防守上，車路士有施華回復狀態，指揮出一個比較穩陣嘅後防，中堅查洛巴喺早期仲會前插邊路創造機會，同右閘古斯度進退有據。
但今仗積遜喺門前嘅表現，都相當令人失望。下半場開波3分鐘，連續兩個黃金機會都射得無力，被視為今場被淘汰嘅直接原因。
不過，咁就代表積遜完全係一個無能嘅前鋒？要知道，積遜喺前場努力嘅跑動，同埋恰如其份嘅判斷，令曼城差啲付出失球嘅代價。射失嘅表面，掩蓋咗佢喺串連攻勢上嘅貢獻。
曼城今仗表現低迷，特別係今季兩場對車路士嘅英超比賽都打得唔算好嘅情況下，呢場波更見頹靡。當然，可以話夏蘭特、史東斯受傷令曼城發揮唔出100%實力，但一支爭冠球隊，副選陣容都應該要有統治比賽嘅能力，特別係對車路士呢款重建中嘅球隊。
今仗打右翼嘅貝拿度施華，算係爭返啖氣。週中歐聯喺十二碼大戰宴客，今場就喺比賽尾段門前窄角度執雞，一箭定江山，為曼城喺呢場踢得唔好嘅比賽之中，取得確定決賽門票嘅入球。
車路士踢得好，落敗嘅原因，都唔可以歸咎於積遜一人身上。上場大四喜嘅彭馬，今仗都冇挺身而出，再一次對母會曼城拎出好表現。球隊多次突破曼城之後，喺傳出關鍵一腳嗰刻嘅猶豫，令曼城往往能夠差之毫釐喺危險地帶攞返個波，再重新組織。
足球就係咁，無論喺組織做得幾好，入唔到波就係會輸，九十分鐘整體嘅好表現，都係無功而還。
車路士啱啱先喺英超對愛華頓打出一場6-0嘅大勝，足總盃四強就面對衛冕冠軍曼城。進攻主將彭馬今仗再次倒戈，佢曾經喺英超嘅比賽補時十二碼絕殺過曼城，而唔夠一個星期前先上演大四喜，今仗領隊普捷天奴再次對佢委以重任，再一次成為中鋒尼古拉積遜身後嘅輔鋒。
面對前中後三線都有重要球員傷缺嘅曼城，車路士嘅戰術執行得好出色，特別係喺由守轉攻嘅階段，多次令主打高位防線同越位陷阱嘅曼城受到威脅，喺被控制比賽嘅情況下，依然有迫曼城犯錯嘅能力。防守上，車路士有施華回復狀態，指揮出一個比較穩陣嘅後防，中堅查洛巴喺早期仲會前插邊路創造機會，同右閘古斯度進退有據。
但今仗積遜喺門前嘅表現，都相當令人失望。下半場開波3分鐘，連續兩個黃金機會都射得無力，被視為今場被淘汰嘅直接原因。
不過，咁就代表積遜完全係一個無能嘅前鋒？要知道，積遜喺前場努力嘅跑動，同埋恰如其份嘅判斷，令曼城差啲付出失球嘅代價。射失嘅表面，掩蓋咗佢喺串連攻勢上嘅貢獻。
曼城今仗表現低迷，特別係今季兩場對車路士嘅英超比賽都打得唔算好嘅情況下，呢場波更見頹靡。當然，可以話夏蘭特、史東斯受傷令曼城發揮唔出100%實力，但一支爭冠球隊，副選陣容都應該要有統治比賽嘅能力，特別係對車路士呢款重建中嘅球隊。今仗打右翼嘅貝拿度施華，算係爭返啖氣。週中歐聯喺十二碼大戰宴客，今場就喺比賽尾段門前窄角度執雞，一箭定江山，為曼城喺呢場踢得唔好嘅比賽之中，取得確定決賽門票嘅入球。
車路士踢得好，落敗嘅原因，都唔可以歸咎於積遜一人身上。上場大四喜嘅彭馬，今仗都冇挺身而出，再一次對母會曼城拎出好表現。球隊多次突破曼城之後，喺傳出關鍵一腳嗰刻嘅猶豫，令曼城往往能夠差之毫釐喺危險地帶攞返個波，再重新組織。
足球就係咁，無論喺組織做得幾好，入唔到波就係會輸，九十分鐘整體嘅好表現，都係無功而還。