德國主場盡顯強勢 隊長根度簡：enjoy同卻奧斯夾
德國主辦今屆歐國盃，國家隊喺分組賽嘅表現令人驚艷，甚至力壓表現不濟嘅法國同英格蘭，擠身奪冠熱門嘅行列。作為隊長嘅根度簡，認為隊內溝通做得好好，對球隊前景非常有信心。
「每個人各有特色，呢點係好事，我覺得自己可以包容好多嘢。」德國隊今屆臥虎藏龍，唔再單係用拜仁慕尼黑嘅主將做鐵膽，包括英超、西甲嘅球員都有，加埋幾個利華古遜嘅冠軍隊員，而家呢支德國隊五湖四海，由主帥拿高士文組合成一支強隊。作為隊長嘅根叔，就要幫助教練團融全隊人： 「我鍾意企喺隊伍面前，表現出我哋應該要有嘅模樣。」「我唔會話每個人都要同我一樣諗，因為我都唔係完美，但如果唔坦誠，就唔會進步。」
根度簡轉會至巴塞隆拿之後，一直都係鐵膽中場playmaker。而拿高士文接掌德國國家隊後，一直都重用根度簡喺十號位置派牌，甚至要時常後上衝入禁區。作為中場主力，根度簡本人都係狀態十足。「一直以嚟，我喺德國隊都踢得隨心，喺球場上，隊友同我嘅位置都好舒服。」
「喺曼城，我多數都係踢固定一個位置。喺巴塞隆拿，我就踢咗好多唔同位置，所以有啲亂，不停要適應。有時踢得好係因為你知道你嘅位置，你周圍有咩嘅人，就自自然然覺得舒服。」
今年年初卻奧斯復出後，就同利華古遜嘅安特希一齊𢭃住根度簡嘅身後，再以根度簡作為樞紐，比梅斯亞拿、獲斯企喺兩邊，支援機動性強嘅夏維斯打箭頭。
「特別係同卻奧斯一齊踢波，我可以有更大嘅自由度留喺前場等波，預咗個波隨時會返返嚟。」 對卻奧斯呢個世界盃冠軍成員，根度簡表示，自己好enjoy同佢夾中場，覺得佢好穩：「佢有閱讀比賽嘅能力，無論on ball定off ball都可以為球隊帶嚟平衡。」
「冇咗卻奧斯，可能會開始變得冇耐性，自己就逗返深攞波，但我個位置本身就唔應該要咁踢。」呢個咁需要時間磨合嘅set-up，踏入2024年之後一直都係咁用。默契隨年月而成，拿高士文用幾個月嘅時間，就成功夾出一隊嶄新嘅德國隊，喺分組賽打得咁強勢。
「每個人各有特色，呢點係好事，我覺得自己可以包容好多嘢。」德國隊今屆臥虎藏龍，唔再單係用拜仁慕尼黑嘅主將做鐵膽，包括英超、西甲嘅球員都有，加埋幾個利華古遜嘅冠軍隊員，而家呢支德國隊五湖四海，由主帥拿高士文組合成一支強隊。作為隊長嘅根叔，就要幫助教練團融全隊人： 「我鍾意企喺隊伍面前，表現出我哋應該要有嘅模樣。」「我唔會話每個人都要同我一樣諗，因為我都唔係完美，但如果唔坦誠，就唔會進步。」
根度簡轉會至巴塞隆拿之後，一直都係鐵膽中場playmaker。而拿高士文接掌德國國家隊後，一直都重用根度簡喺十號位置派牌，甚至要時常後上衝入禁區。作為中場主力，根度簡本人都係狀態十足。「一直以嚟，我喺德國隊都踢得隨心，喺球場上，隊友同我嘅位置都好舒服。」
「喺曼城，我多數都係踢固定一個位置。喺巴塞隆拿，我就踢咗好多唔同位置，所以有啲亂，不停要適應。有時踢得好係因為你知道你嘅位置，你周圍有咩嘅人，就自自然然覺得舒服。」
今年年初卻奧斯復出後，就同利華古遜嘅安特希一齊𢭃住根度簡嘅身後，再以根度簡作為樞紐，比梅斯亞拿、獲斯企喺兩邊，支援機動性強嘅夏維斯打箭頭。
「特別係同卻奧斯一齊踢波，我可以有更大嘅自由度留喺前場等波，預咗個波隨時會返返嚟。」 對卻奧斯呢個世界盃冠軍成員，根度簡表示，自己好enjoy同佢夾中場，覺得佢好穩：「佢有閱讀比賽嘅能力，無論on ball定off ball都可以為球隊帶嚟平衡。」
「冇咗卻奧斯，可能會開始變得冇耐性，自己就逗返深攞波，但我個位置本身就唔應該要咁踢。」呢個咁需要時間磨合嘅set-up，踏入2024年之後一直都係咁用。默契隨年月而成，拿高士文用幾個月嘅時間，就成功夾出一隊嶄新嘅德國隊，喺分組賽打得咁強勢。