巴塞友賽戰曼城 - 費歷克扶新人上位
奧運足球打得如火如荼之際，各球會都喺歐國盃同美洲盃之後，集齊歸隊嘅球員為新球季備戰。啱啱換帥嘅巴塞隆拿，同英超冠軍曼城就喺美國奧蘭多「拍跳」，踢出一場相當精彩嘅2-2和局。
友誼賽嘅雙方都唔會上哂正選「踢到恒」，但呢場波雙方都有唔少亮點。呢場波係新任巴塞主帥費歷克第一次督師，比賽嘅重點就係喺佢新官上任之下，球隊有冇咩新嘅調整，今場都係練新人為主。先由中場講起，卡沙度、貝拿呢對逗後型中場，喺陣型核心置主力防止曼城嘅反擊，同時又做到前後配合，為攻防之間提供平衡，令前方嘅托利更有信心造波同進攻。呢個嶄新嘅青訓中場組合，今場對陣星光熠熠嘅曼城毫不怯場。
相較之下，曼城嘅佈陣就顯得更有誠意，唔止夏蘭特、基利殊、加華度、艾達臣呢三位主力，連同高華錫、菲臘斯、路易斯等等一隊球員都有正選上陣。高華錫堪稱今場比賽最好嘅曼城球員，喺中場表現出色，下半場追和2-2嘅入波之中，佢喺中場轉身推進，過咗一陣球員之後再交畀基利殊射入追平，令比賽要射十二碼分勝負。可惜菲臘斯同小將胡禮射失，令巴塞贏波。
加華度、高華錫呢兩位球員都因為歐國盃而比較遲歸隊，當中喺四後衛嘅佈陣之中，加華度第一次喺曼城踢中堅，同菲臘斯一齊客串，第一個失波因為佢失位而點都有啲責任，但整體表現都叫唔錯。
上季季尾接替沙維走馬上任，費歷克一直面對CV唔夠好、實力不足、語言能力等等嘅質疑，到而家有機會show quali，由其是佢對巴塞青訓產品嘅調度，今場波再加入高壓逼搶嘅原素，相信能夠令外界減輕對佢適應巴塞初期嘅疑慮。訓練營內有唔少上季加盟嘅中生代球員，但費歷克對陣曼城都選擇向難度挑戰，起用青訓新人組成新組合，足見佢對年輕球員有幾重視。
友誼賽嘅雙方都唔會上哂正選「踢到恒」，但呢場波雙方都有唔少亮點。呢場波係新任巴塞主帥費歷克第一次督師，比賽嘅重點就係喺佢新官上任之下，球隊有冇咩新嘅調整，今場都係練新人為主。先由中場講起，卡沙度、貝拿呢對逗後型中場，喺陣型核心置主力防止曼城嘅反擊，同時又做到前後配合，為攻防之間提供平衡，令前方嘅托利更有信心造波同進攻。呢個嶄新嘅青訓中場組合，今場對陣星光熠熠嘅曼城毫不怯場。
相較之下，曼城嘅佈陣就顯得更有誠意，唔止夏蘭特、基利殊、加華度、艾達臣呢三位主力，連同高華錫、菲臘斯、路易斯等等一隊球員都有正選上陣。高華錫堪稱今場比賽最好嘅曼城球員，喺中場表現出色，下半場追和2-2嘅入波之中，佢喺中場轉身推進，過咗一陣球員之後再交畀基利殊射入追平，令比賽要射十二碼分勝負。可惜菲臘斯同小將胡禮射失，令巴塞贏波。
加華度、高華錫呢兩位球員都因為歐國盃而比較遲歸隊，當中喺四後衛嘅佈陣之中，加華度第一次喺曼城踢中堅，同菲臘斯一齊客串，第一個失波因為佢失位而點都有啲責任，但整體表現都叫唔錯。
上季季尾接替沙維走馬上任，費歷克一直面對CV唔夠好、實力不足、語言能力等等嘅質疑，到而家有機會show quali，由其是佢對巴塞青訓產品嘅調度，今場波再加入高壓逼搶嘅原素，相信能夠令外界減輕對佢適應巴塞初期嘅疑慮。訓練營內有唔少上季加盟嘅中生代球員，但費歷克對陣曼城都選擇向難度挑戰，起用青訓新人組成新組合，足見佢對年輕球員有幾重視。