【槍手新星】17歲中場搶fo！安雲拿利準備上大舞台
過去兩個球季，阿仙奴同曼城喺英超嘅競爭之中拉成均勢，但都冇忘記培養青訓新星嘅重要性。兩年前已經喺英超地標上陣，如今17歲嘅天才中場安雲拿利（Ethan Nwaneri），喺而家嘅季前備戰又交出好表現。
由2016年，佢年僅9歲開始就加盟阿仙奴青訓營，一直扶搖直上，甚至入選英格蘭U-16、
U-17國腳。2022年開季，年僅15歲嘅安雲拿利被安排喺對賓褔特嘅倫敦打吡坐後備，之後有獲派上陣，成為英超歷史上最年輕嘅場上球員。
呢場波之後，安雲拿利分別喺U-18、U-21都有唔少機會發揮，訓練方式趨向多元化，唔少中前場嘅位置都踢過，教練團不斷為佢尋找最好嘅發展位置。到咗上季喺英超U-21嘅比賽之中，安雲拿利被安排更專注喺中場八號位偏左嘅位置上陣，主力同球員配合搵出進攻空間，持球時都擅用佢嘅反應能力，一兩腳one-touch同隊友一齊突破，釋放對手施壓而成嘅壓力。
而家嘅季前賽，阿迪達都沿用呢個配置，令安雲拿利喺嚟緊呢一季有更穩定，更一致嘅發揮。早一場比賽對曼聯，安雲拿利上半場上陣，喺組織進攻、finnishing等等方面表現得非常好，更有助攻捷西斯嘅表現，令比數扳平。
安雲拿利嘅努力，註定佢將會成為阿仙奴其中一粒未來之星，目前阿仙奴對佢嘅培育，主要集中喺佢人off-ball時嘅能力，包括體能、跑動能力、高壓逼搶時嘅侵略性、身體靈活性等等方面，都係安雲拿利目前有展現天賦嘅地方。之後要注意嘅，係注意持球時間嘅收放、逼搶時同隊友配合嘅時機等等。
由2016年，佢年僅9歲開始就加盟阿仙奴青訓營，一直扶搖直上，甚至入選英格蘭U-16、
U-17國腳。2022年開季，年僅15歲嘅安雲拿利被安排喺對賓褔特嘅倫敦打吡坐後備，之後有獲派上陣，成為英超歷史上最年輕嘅場上球員。
呢場波之後，安雲拿利分別喺U-18、U-21都有唔少機會發揮，訓練方式趨向多元化，唔少中前場嘅位置都踢過，教練團不斷為佢尋找最好嘅發展位置。到咗上季喺英超U-21嘅比賽之中，安雲拿利被安排更專注喺中場八號位偏左嘅位置上陣，主力同球員配合搵出進攻空間，持球時都擅用佢嘅反應能力，一兩腳one-touch同隊友一齊突破，釋放對手施壓而成嘅壓力。
而家嘅季前賽，阿迪達都沿用呢個配置，令安雲拿利喺嚟緊呢一季有更穩定，更一致嘅發揮。早一場比賽對曼聯，安雲拿利上半場上陣，喺組織進攻、finnishing等等方面表現得非常好，更有助攻捷西斯嘅表現，令比數扳平。安雲拿利嘅努力，註定佢將會成為阿仙奴其中一粒未來之星，目前阿仙奴對佢嘅培育，主要集中喺佢人off-ball時嘅能力，包括體能、跑動能力、高壓逼搶時嘅侵略性、身體靈活性等等方面，都係安雲拿利目前有展現天賦嘅地方。之後要注意嘅，係注意持球時間嘅收放、逼搶時同隊友配合嘅時機等等。