【槍手青訓】傷患影響上陣時間 史密夫路維終出走
阿仙奴以£27M嘅價格，將進攻球員史密夫路維（Emile Smith Rowe）賣向同市嘅英超對手富咸。如果你係由阿迪達時代之初就開始睇阿仙奴嘅球迷，相信對呢單轉會會有唔少嘅感概，同時對呢位青訓營出嚟嘅球員感到依依不捨。
史密夫路維係阿迪達上任以嚟，第一批重點培養嘅青訓小將之一。佢同沙卡一齊被提拔上英超比賽，出道之初擔任攻中為主。但2022-23賽季嘅腹股溝傷患、2023-24嘅膝頭傷患，令史密夫路維喺呢兩季嘅衝冠歷程之中，冇乜參與其中嘅角色，只有上陣一半左右嘅比賽，絕大部份都唔係球隊主力。而無奈嘅事實係，阿仙奴嘅呢兩季時間，表現出無與倫比嘅競爭力，能夠喺積分榜前沿同曼城撐到恒。
阿迪達近季轉成4-3-3陣式，中場長期放兩個逗後中場（格列沙卡、帕迪、佐真奴、懷斯等等），配合隊長奧迪加特造波。呢個配置之下，唔能夠好似奧迪加特咁客串正中場嘅史密夫路維，就只能客串左翼。
偏偏，阿迪達上季放走咗兩個衝擊型嘅左閘，球隊主要嘅左閘人選，包括仙真高、基維奧、添巴、冨安健洋等等，喺進攻時都會內收中路，而唔係向前推進，咁樣會令史密夫路維嘅左翼位置孤軍作戰。反而馬天尼利喺左路有極出色嘅單對單能力，能夠單兵為球隊左路拉邊，令佢成為比史密夫路維更好嘅左翼人選。
史密夫路維能夠打嘅兩個位置，隊內都有比佢好嘅人選，加上自身傷患同狀態交纏，令佢唔能夠喺酋長球場得到應得嘅上陣時間。
史密夫路維係阿迪達上任以嚟，第一批重點培養嘅青訓小將之一。佢同沙卡一齊被提拔上英超比賽，出道之初擔任攻中為主。但2022-23賽季嘅腹股溝傷患、2023-24嘅膝頭傷患，令史密夫路維喺呢兩季嘅衝冠歷程之中，冇乜參與其中嘅角色，只有上陣一半左右嘅比賽，絕大部份都唔係球隊主力。而無奈嘅事實係，阿仙奴嘅呢兩季時間，表現出無與倫比嘅競爭力，能夠喺積分榜前沿同曼城撐到恒。阿迪達近季轉成4-3-3陣式，中場長期放兩個逗後中場（格列沙卡、帕迪、佐真奴、懷斯等等），配合隊長奧迪加特造波。呢個配置之下，唔能夠好似奧迪加特咁客串正中場嘅史密夫路維，就只能客串左翼。
偏偏，阿迪達上季放走咗兩個衝擊型嘅左閘，球隊主要嘅左閘人選，包括仙真高、基維奧、添巴、冨安健洋等等，喺進攻時都會內收中路，而唔係向前推進，咁樣會令史密夫路維嘅左翼位置孤軍作戰。反而馬天尼利喺左路有極出色嘅單對單能力，能夠單兵為球隊左路拉邊，令佢成為比史密夫路維更好嘅左翼人選。
史密夫路維能夠打嘅兩個位置，隊內都有比佢好嘅人選，加上自身傷患同狀態交纏，令佢唔能夠喺酋長球場得到應得嘅上陣時間。