【偶像宅的心路歷程】成為了日本偶像飯(一)
今次係小弟第一次出文，文筆唔流暢或者講嘅嘢有啲主觀，有興趣嘅希望可以抽少少小小時間睇吓，亦希望各位多多包涵同支持。
小弟係一個90後，一直都想出文講吓自已成為飯嘅心路歷程，不過始終"的"唔起心肝，不過疫情之下時間多咗，所以終於立定決心喺度開左個專欄，第一篇會寫得稍微短少少，試一試手感。可能受長輩嘅影響，由細到大都好鍾意聽歌，廣東歌一路都佔據左小弟個playlist，直到差唔多三四年前，我入咗日本偶像坑。
由中學時代開始，身邊嘅朋友好多都鐘意韓星或者歐美嘅明星，就算係追日本嘅，10個有9個都係追開動漫，識嘅人入面冇乜人會話飯日本偶像，而小弟追星嘅開始，就係始於一套日劇: 阿淺來了 (あさが来た)，劇對我來講係一套真係幾好睇嘅戲，不過呢篇主角都係講偶像，劇情就唔多講，而主題曲，AKB的365日的紙飛機(365日の紙飛行機)就已經深深咁吸引左我，特別係麻友友(渡辺麻友)已經俘虜左我，雖然佢上個月已經引退埋(哭)。不過嗰陣時未算好入迷，最多只係聽吓歌咁樣。
只不過，有一日，喺網度見到我女神，白石麻衣嘅相，就砌底咁帶咗我入日本偶像嘅個坑，"坑"呢個字其實好似有啲負面，不過各方面都好常用嘅呢個term，咁請各位容許小弟用"坑"去形容返呢個令我樂此不疲嘅旅程。
白石麻衣嘅名相信對好多人都唔陌生，特別係寫真賣到滿堂紅，令更多人認識到佢，而佢亦都令我飯上乃木坂46呢一隊日本組合，時為佢哋第16張單曲，再見的意義(サヨナラの意味)，其實唔單止まいやん(白石麻衣嘅暱稱)嘅美貌吸引住我，乃木坂同我一路聽開啲歌嘅style都好唔同，更係令我著迷，當時我一有時間就去信和地庫睇碟同埋寫真，搭車嘅時候不斷loop佢哋嘅playlist，偶像就咁慢慢融入左我嘅生活，當時其實真係乜都唔識，對佢哋成隊組合嘅了解亦都唔多，只限喺歌曲同寫真集上面，不過之後慢慢就知道左原來佢哋有好多綜藝同唔同嘅節目，開始左漫長嘅補番生活(到今日其實我已經全部睇左幾次循環了)。
第一篇就唔希望太冗長，去到呢度先啦，小弟講完心路歷程之後亦希望寫文介紹吓成個團隊，或者係成個坂道系列。最後，而家疫情之下希望各位多多保重，為各位送上乃木坂嘅一首抗疫打氣歌曲: 世界中的鄰居(世界中の隣人よ)。
第二篇出咗喇，傳送門喺呢度：【偶像宅的心路歷程】成為了日本偶像飯(二)
https://ent.fanpiece.com/dayin46/偶像宅的心路歷程%2D成為了日本偶像飯%2D二-c1381653.html
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk
小弟係一個90後，一直都想出文講吓自已成為飯嘅心路歷程，不過始終"的"唔起心肝，不過疫情之下時間多咗，所以終於立定決心喺度開左個專欄，第一篇會寫得稍微短少少，試一試手感。可能受長輩嘅影響，由細到大都好鍾意聽歌，廣東歌一路都佔據左小弟個playlist，直到差唔多三四年前，我入咗日本偶像坑。
由中學時代開始，身邊嘅朋友好多都鐘意韓星或者歐美嘅明星，就算係追日本嘅，10個有9個都係追開動漫，識嘅人入面冇乜人會話飯日本偶像，而小弟追星嘅開始，就係始於一套日劇: 阿淺來了 (あさが来た)，劇對我來講係一套真係幾好睇嘅戲，不過呢篇主角都係講偶像，劇情就唔多講，而主題曲，AKB的365日的紙飛機(365日の紙飛行機)就已經深深咁吸引左我，特別係麻友友(渡辺麻友)已經俘虜左我，雖然佢上個月已經引退埋(哭)。不過嗰陣時未算好入迷，最多只係聽吓歌咁樣。
只不過，有一日，喺網度見到我女神，白石麻衣嘅相，就砌底咁帶咗我入日本偶像嘅個坑，"坑"呢個字其實好似有啲負面，不過各方面都好常用嘅呢個term，咁請各位容許小弟用"坑"去形容返呢個令我樂此不疲嘅旅程。
白石麻衣嘅名相信對好多人都唔陌生，特別係寫真賣到滿堂紅，令更多人認識到佢，而佢亦都令我飯上乃木坂46呢一隊日本組合，時為佢哋第16張單曲，再見的意義(サヨナラの意味)，其實唔單止まいやん(白石麻衣嘅暱稱)嘅美貌吸引住我，乃木坂同我一路聽開啲歌嘅style都好唔同，更係令我著迷，當時我一有時間就去信和地庫睇碟同埋寫真，搭車嘅時候不斷loop佢哋嘅playlist，偶像就咁慢慢融入左我嘅生活，當時其實真係乜都唔識，對佢哋成隊組合嘅了解亦都唔多，只限喺歌曲同寫真集上面，不過之後慢慢就知道左原來佢哋有好多綜藝同唔同嘅節目，開始左漫長嘅補番生活(到今日其實我已經全部睇左幾次循環了)。
第一篇就唔希望太冗長，去到呢度先啦，小弟講完心路歷程之後亦希望寫文介紹吓成個團隊，或者係成個坂道系列。最後，而家疫情之下希望各位多多保重，為各位送上乃木坂嘅一首抗疫打氣歌曲: 世界中的鄰居(世界中の隣人よ)。
第二篇出咗喇，傳送門喺呢度：【偶像宅的心路歷程】成為了日本偶像飯(二)
https://ent.fanpiece.com/dayin46/偶像宅的心路歷程%2D成為了日本偶像飯%2D二-c1381653.html
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk