【唔專業劇評】默默奉獻的灰姑娘 ── 一套題材新鮮嘅醫療劇
注意：內文或者會有劇透，介意者慎入
小弟我除咗非常喜歡追星之外，煲劇亦都係我嘅一大興趣，特別係日劇，一套先得十幾集，好快可以睇得曬，今次介紹嘅係因為疫情影響左拍攝，順延至而家先播緊嘅默默奉獻的灰姑娘(アンサング・シンデレラ 病院薬剤師の処方箋)。
呢套劇由石原聰美擔任女主角，劇本係改篇自漫畫《默默奉獻的灰姑娘 醫院藥劑師 葵綠》(アンサングシンデレラ 病院薬剤師 葵みどり)，以藥劑師作為主角。咁當然啦，相信有煲開日劇嘅朋友都知道其實以醫療為題材嘅日劇真係有好多，好似Doctor X、Code Blue呢D雖然係講唔同種類嘅醫生，不過好多都係以醫生作為題材(P.S.上述兩套都真心好睇，我都loop左幾次)，用藥劑師角度去拍嘅醫療劇又真係未睇過，其實又幾新鮮喎。(謎之聲：你好係因為西野七瀬有份拍先睇喎！Well，我否認唔到⋯)
入返正題，套劇嘅故事係講述萬津綜合醫院藥劑部嘅日常，葵綠(石原聰美飾)係一個工作左八年，好有熱誠同好關心病人嘅藥劑師，不過亦因為咁有時會得罪左啲同事同師生，田中圭飾演瀨野章吾係藥劑部副部長，亦係葵好尊敬嘅前輩，表面上有啲高冷不過其實好多時都好支持葵嘅行為，而由西野七瀬飾演嘅相原胡桃就係啱啱入行嘅新丁，葵對佢嘅影響都好大，不過佢成日都會話：如果覺得唔合適會辭職。個人覺得同其他醫療劇比較，喺人物角色嘅鋪排同劇情嘅發展上其實都係幾常見嘅安排，每一集都係有一兩個病人或者cases去跟進，病情有變或者挖掘返病人背後嘅故事，咁當然，橋唔怕舊最緊要受，呢一種鋪排係好睇嘅。
個人認為呢套劇理所當然令觀眾更加了解同尊敬藥劑師們嘅工作，特別係當絕大部份嘅劇集focus喺醫生同護士身上，藥劑師嘅工作往往都被忽略左，而我最鍾意呢套劇嘅位係喺片尾佢會單獨講返嗰集個病人出院後嘅故事，短短幾分鐘既唔會搶咗focus，亦令個故事單元更完整，表達到藥劑喺病人背後默默支持嗰種感覺又唔會令觀眾覺得太沉重。其實而家先播到第三集，誠意推介各位朋友仔有時間嘅話可以睇吓，希望各位喺疫情之下多多保重，最後送上主題曲：DREAMS COME TRUE 嘅 YES AND NO。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk
小弟我除咗非常喜歡追星之外，煲劇亦都係我嘅一大興趣，特別係日劇，一套先得十幾集，好快可以睇得曬，今次介紹嘅係因為疫情影響左拍攝，順延至而家先播緊嘅默默奉獻的灰姑娘(アンサング・シンデレラ 病院薬剤師の処方箋)。
呢套劇由石原聰美擔任女主角，劇本係改篇自漫畫《默默奉獻的灰姑娘 醫院藥劑師 葵綠》(アンサングシンデレラ 病院薬剤師 葵みどり)，以藥劑師作為主角。咁當然啦，相信有煲開日劇嘅朋友都知道其實以醫療為題材嘅日劇真係有好多，好似Doctor X、Code Blue呢D雖然係講唔同種類嘅醫生，不過好多都係以醫生作為題材(P.S.上述兩套都真心好睇，我都loop左幾次)，用藥劑師角度去拍嘅醫療劇又真係未睇過，其實又幾新鮮喎。(謎之聲：你好係因為西野七瀬有份拍先睇喎！Well，我否認唔到⋯)
入返正題，套劇嘅故事係講述萬津綜合醫院藥劑部嘅日常，葵綠(石原聰美飾)係一個工作左八年，好有熱誠同好關心病人嘅藥劑師，不過亦因為咁有時會得罪左啲同事同師生，田中圭飾演瀨野章吾係藥劑部副部長，亦係葵好尊敬嘅前輩，表面上有啲高冷不過其實好多時都好支持葵嘅行為，而由西野七瀬飾演嘅相原胡桃就係啱啱入行嘅新丁，葵對佢嘅影響都好大，不過佢成日都會話：如果覺得唔合適會辭職。個人覺得同其他醫療劇比較，喺人物角色嘅鋪排同劇情嘅發展上其實都係幾常見嘅安排，每一集都係有一兩個病人或者cases去跟進，病情有變或者挖掘返病人背後嘅故事，咁當然，橋唔怕舊最緊要受，呢一種鋪排係好睇嘅。
個人認為呢套劇理所當然令觀眾更加了解同尊敬藥劑師們嘅工作，特別係當絕大部份嘅劇集focus喺醫生同護士身上，藥劑師嘅工作往往都被忽略左，而我最鍾意呢套劇嘅位係喺片尾佢會單獨講返嗰集個病人出院後嘅故事，短短幾分鐘既唔會搶咗focus，亦令個故事單元更完整，表達到藥劑喺病人背後默默支持嗰種感覺又唔會令觀眾覺得太沉重。其實而家先播到第三集，誠意推介各位朋友仔有時間嘅話可以睇吓，希望各位喺疫情之下多多保重，最後送上主題曲：DREAMS COME TRUE 嘅 YES AND NO。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk