【偶像宅的心路歷程】永遠的乃木坂御三家
乃木坂46 ── 當今日本其中一隊最炙手可熱的偶像團體，相信睇過小弟之前啲文章嘅朋友都知道我係佢地嘅飯，而小弟亦都係御三家嘅推，咁啱今次又係御三家入面嘅松村沙友理嘅生日，所以我就乘機寫篇文去介紹吓心目中永遠嘅御三家。
乃木坂御三家，係初代乃團人氣最旺嘅成員：白石麻衣(まいやん)、橋本奈々未(ななみん)同埋蘋果松村沙友理，時至今日，經過九年時間，好快就會只剩返蘋果一個，真係有啲唏噓⋯まいやん我喺上一篇文介唔過今次就唔多講(未睇或者有興趣嘅朋友，傳送門喺呢度：【偶像宅的心路歷程】生日快樂 ── 我永遠嘅女神：白石麻衣https://ent.fanpiece.com/dayin46/偶像宅的心路歷程%2D生日快樂%2D──%2D我永遠嘅女神%2D白石麻衣-c1383047.html)，呢一篇主要會介紹一下另外兩位：ななみん同埋蘋果。
松村沙友理
暱稱さゆりんご蘋果嘅佢係御三家入面留到最後嘅一位，係小弟嘅次推，佢係一個不折不扣嘅動漫控，一路以來佢喺乃團入面嘅角色都係賣萌!?，好多時佢都會扮傻，亦都有時演過頭，好似早期土下座睡姿嘅奇怪人設，好快就穿咗崩(笑)。
不過記得當時松井玲奈(激辣，AKB套馬路須加入面一個好經典嘅角色)啱啱作為交換生去左乃團，有集乃木どこ(冇記錯應該係第134集)，松井玲奈問蘋果佢喺團入面係咪扮傻嘅角色(真係犀利，一眼就睇穿)，蘋果話自己係知性派，其實一啲都冇錯，蘋果一啲都唔傻，佢喺大阪好出名嘅名校桐蔭高校畢業，一直想做護士嘅佢考試失手，機緣巧合之下佢參加咗甄選仲入咗乃團，節目入面好多次mc出現咗奇怪嘅氣氛或者dead air嘅時候，佢好快就兜到補到位，喺節目入面嘅學習能力測試佢都係最前嗰幾個。
不過人紅自然是非多，當年佢自己亦都可以話有啲唔生性，中左文春炮。Anyway，單野唔多講(希望各位朋友特別係蘋果推唔好介意，介紹蘋果嘅故事一定都要帶一帶)，始終已經過咗去，不過嗰陣正值乃團嘅上升期，當年乃團出10單亦都好顯然易見係劍指紅白，但係呢單文春炮同同期嘅紅白內定新聞亦都影響到當年冇得初上紅白舞台(結果遲咗一年先達成紅白出場)。
喺documentary：悲しみの忘れ方，入面有一part佢自己講起呢單野，當時佢真係受到好多批評，佢自己亦都話想走諗過退出，不過最後佢都留低咗，成員間嘅支持，飯間嘅鼓勵都帶咗佢出呢一段好艱難嘅時期，而營運亦都冇放棄到佢。不過呢件事之後縱使可能令佢去唔返最top嘅位置，但係蘋果自己都付出咗好大嘅努力去改變亦令佢成為乃團一個不可或缺嘅中流砥柱，令我覺得好佩服，可以見返佢嘅笑顏真係太好了。(記得乃木どこ11單選拔嗰集，蘋果喺醜聞下由福神跌咗去最後排，主持人バナナマン佢哋一開始都好溫柔咁話咗佢幾句，之後佢哋都話好希望見返以前笑容滿面嘅蘋果，好彩佢好快就振作返。題外話，乃團可以有バナナマン做公式哥哥真係太好)
仲有一樣一定要題嘅係蘋果可怕嘅食量，佢淨係靠沙律醬一次食咗九碗飯，食咗幾個包仲食得落成個便當，蘋果食野個樣真係好好睇，我好鍾意，亦都好比到人一種好滿足好幸福嘅感覺。最後一句，お誕生日おめでとう!
橋本奈々未
ななみん，亦係小弟嘅次推，已經引退，一個來自雪國，充滿故事嘅人物。一般嚟講，會去做偶像嘅人一般都有一個明星夢，但係ななみん嘅原因只係因為便當，其實係好悲慘嘅經歷。佢家境唔好，當時離鄉別井隻身由北海道去到東京讀大學，要自己搵學費搵生活費，但係搵朝唔得晚，聽講做偶像有穩定收入又有免費供餐，所以佢參加咗甄選入咗乃團。
ななみん佢係一個好有諗法嘅人，其中一個名場面係有一次化身老師解答小朋友嘅問題，有個小朋友問人死咗之後會點樣，ななみん答話日本一般係火化，又有小朋友問佢有關地獄，個人覺得佢講得好好，佢答話或者而家身處嘅地方就係地獄，生活之中會有開心同悲傷嘅事情，地獄同天堂就只係取決於快樂同痛苦嘅感受。可能會覺得同小朋友講呢啲野太現實，但係可能就係佢細個嘅生活塑造咗佢而家嘅思想，而佢嘅價值觀，可能只可以一句形容: Sad but true。
個人一直覺得ななみん嘅志向其實唔係喺偶像之上，不過佢一直好敬業樂業，身體唔好亦繼續堅持，直到有一次live之後終於頂唔順，直接送咗入醫院，之後亦都休養咗好長時間。佢第一次C位係16單嘅さよならの意味，亦都係佢引退之前最後一隻單曲，上次都講過副歌入面有一句：サヨナラに強くなれ この出会いに意味がある(再見為了變得更強，這樣相遇就有意義了)，其實亦都可以話係對ななみん嘅偶像生涯一個總結。
記得佢最後同バナナマン嘅傾談，佢都講過而家生活好咗，亦都供完佢細佬讀大學(雖然佢係一個抖S，但係佢亦都好錫佢細佬)，佢認為係時候離開偶像嘅世界，去追求返自己嘅目標，過返普通人平凡嘅生活(好似話其實佢一直都鍾意留長頭髮，但係偶像形象須要佢短頭髮，咁終於去到佢畢業前留返長)，身為一個飯，雖然真係好唔捨得，但係而家只係希望佢生活一切安好就滿足。
乃團而家有咗新血加入，當中亦有不少好有潛力嘅成員，但係喺小弟心目中嘅御三家係永遠冇辦法取代，終於有一日御三家會成為歷史，但係相信喺小弟，或者其他飯心中會變為美好嘅回憶，或者別離是為了變得更強，這樣的相遇就變得有意義了。最後送上御三家唯一一首嘅unit曲: 急斜面，而今次嘅分享就到呢度，之後我亦都會繼續努力，希望大家可以繼續支持小弟。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk
乃木坂御三家，係初代乃團人氣最旺嘅成員：白石麻衣(まいやん)、橋本奈々未(ななみん)同埋蘋果松村沙友理，時至今日，經過九年時間，好快就會只剩返蘋果一個，真係有啲唏噓⋯まいやん我喺上一篇文介唔過今次就唔多講(未睇或者有興趣嘅朋友，傳送門喺呢度：【偶像宅的心路歷程】生日快樂 ── 我永遠嘅女神：白石麻衣https://ent.fanpiece.com/dayin46/偶像宅的心路歷程%2D生日快樂%2D──%2D我永遠嘅女神%2D白石麻衣-c1383047.html)，呢一篇主要會介紹一下另外兩位：ななみん同埋蘋果。
松村沙友理
暱稱さゆりんご蘋果嘅佢係御三家入面留到最後嘅一位，係小弟嘅次推，佢係一個不折不扣嘅動漫控，一路以來佢喺乃團入面嘅角色都係賣萌!?，好多時佢都會扮傻，亦都有時演過頭，好似早期土下座睡姿嘅奇怪人設，好快就穿咗崩(笑)。
不過記得當時松井玲奈(激辣，AKB套馬路須加入面一個好經典嘅角色)啱啱作為交換生去左乃團，有集乃木どこ(冇記錯應該係第134集)，松井玲奈問蘋果佢喺團入面係咪扮傻嘅角色(真係犀利，一眼就睇穿)，蘋果話自己係知性派，其實一啲都冇錯，蘋果一啲都唔傻，佢喺大阪好出名嘅名校桐蔭高校畢業，一直想做護士嘅佢考試失手，機緣巧合之下佢參加咗甄選仲入咗乃團，節目入面好多次mc出現咗奇怪嘅氣氛或者dead air嘅時候，佢好快就兜到補到位，喺節目入面嘅學習能力測試佢都係最前嗰幾個。
不過人紅自然是非多，當年佢自己亦都可以話有啲唔生性，中左文春炮。Anyway，單野唔多講(希望各位朋友特別係蘋果推唔好介意，介紹蘋果嘅故事一定都要帶一帶)，始終已經過咗去，不過嗰陣正值乃團嘅上升期，當年乃團出10單亦都好顯然易見係劍指紅白，但係呢單文春炮同同期嘅紅白內定新聞亦都影響到當年冇得初上紅白舞台(結果遲咗一年先達成紅白出場)。
喺documentary：悲しみの忘れ方，入面有一part佢自己講起呢單野，當時佢真係受到好多批評，佢自己亦都話想走諗過退出，不過最後佢都留低咗，成員間嘅支持，飯間嘅鼓勵都帶咗佢出呢一段好艱難嘅時期，而營運亦都冇放棄到佢。不過呢件事之後縱使可能令佢去唔返最top嘅位置，但係蘋果自己都付出咗好大嘅努力去改變亦令佢成為乃團一個不可或缺嘅中流砥柱，令我覺得好佩服，可以見返佢嘅笑顏真係太好了。(記得乃木どこ11單選拔嗰集，蘋果喺醜聞下由福神跌咗去最後排，主持人バナナマン佢哋一開始都好溫柔咁話咗佢幾句，之後佢哋都話好希望見返以前笑容滿面嘅蘋果，好彩佢好快就振作返。題外話，乃團可以有バナナマン做公式哥哥真係太好)
仲有一樣一定要題嘅係蘋果可怕嘅食量，佢淨係靠沙律醬一次食咗九碗飯，食咗幾個包仲食得落成個便當，蘋果食野個樣真係好好睇，我好鍾意，亦都好比到人一種好滿足好幸福嘅感覺。最後一句，お誕生日おめでとう!
橋本奈々未
ななみん，亦係小弟嘅次推，已經引退，一個來自雪國，充滿故事嘅人物。一般嚟講，會去做偶像嘅人一般都有一個明星夢，但係ななみん嘅原因只係因為便當，其實係好悲慘嘅經歷。佢家境唔好，當時離鄉別井隻身由北海道去到東京讀大學，要自己搵學費搵生活費，但係搵朝唔得晚，聽講做偶像有穩定收入又有免費供餐，所以佢參加咗甄選入咗乃團。
ななみん佢係一個好有諗法嘅人，其中一個名場面係有一次化身老師解答小朋友嘅問題，有個小朋友問人死咗之後會點樣，ななみん答話日本一般係火化，又有小朋友問佢有關地獄，個人覺得佢講得好好，佢答話或者而家身處嘅地方就係地獄，生活之中會有開心同悲傷嘅事情，地獄同天堂就只係取決於快樂同痛苦嘅感受。可能會覺得同小朋友講呢啲野太現實，但係可能就係佢細個嘅生活塑造咗佢而家嘅思想，而佢嘅價值觀，可能只可以一句形容: Sad but true。
個人一直覺得ななみん嘅志向其實唔係喺偶像之上，不過佢一直好敬業樂業，身體唔好亦繼續堅持，直到有一次live之後終於頂唔順，直接送咗入醫院，之後亦都休養咗好長時間。佢第一次C位係16單嘅さよならの意味，亦都係佢引退之前最後一隻單曲，上次都講過副歌入面有一句：サヨナラに強くなれ この出会いに意味がある(再見為了變得更強，這樣相遇就有意義了)，其實亦都可以話係對ななみん嘅偶像生涯一個總結。
記得佢最後同バナナマン嘅傾談，佢都講過而家生活好咗，亦都供完佢細佬讀大學(雖然佢係一個抖S，但係佢亦都好錫佢細佬)，佢認為係時候離開偶像嘅世界，去追求返自己嘅目標，過返普通人平凡嘅生活(好似話其實佢一直都鍾意留長頭髮，但係偶像形象須要佢短頭髮，咁終於去到佢畢業前留返長)，身為一個飯，雖然真係好唔捨得，但係而家只係希望佢生活一切安好就滿足。
乃團而家有咗新血加入，當中亦有不少好有潛力嘅成員，但係喺小弟心目中嘅御三家係永遠冇辦法取代，終於有一日御三家會成為歷史，但係相信喺小弟，或者其他飯心中會變為美好嘅回憶，或者別離是為了變得更強，這樣的相遇就變得有意義了。最後送上御三家唯一一首嘅unit曲: 急斜面，而今次嘅分享就到呢度，之後我亦都會繼續努力，希望大家可以繼續支持小弟。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk