教主病逝令Siri發展失去方向，請珍惜你身邊有遠見嘅人！

喺香港如果講起手機嘅智能助理，大家好可能第一時間會諗到Siri，因為真係支援廣東話就只係得Siri，但實際上喺歐美Siri相對Google Assistant、Amazon Alexa、Microsoft Cortana等等都已經係大落後！喺提供資訊、導航、指令方面Google Assistant早已經完勝Siri，最近甚至有統計指Alexa同Cortana都好過Siri，堂堂Apple究竟輸乜？


當初Apple喺2010年收購Siri，Steve Jobs希望佢係擺落iPhone度，但同時令到Apple內部出現咗極大嘅矛盾，有一班人覺得智能助理唔使太複雜，快而準咁向用户提供到相關資訊就得，而另一班人就覺智能助理擁有極大潛能，應該可以做到更多嘢、處理到更複雜嘅command。有Apple前員工喺一個訪問裡面講到："當時唯一真正對Siri有遠見嘅人剩係得Steve Jobs，可惜佢喺iPhone 4s同Siri面世嘅第二日就病逝，由於Apple內部本身缺乏宏觀嘅方向，而嘅Apple都只係可以跟住感覺行！" 事實上唔止Siri，而係成個Apple嘅發展都係缺乏方向，由以往定義何謂好嘅用户體驗、人人都抄佢，去到而家跟住主流嘅方向行，正正反映一間公司有遠見同短視係可以有幾大分別，同時亦都反映將權力集中或者長期只係依賴某一個人係有幾大問題！