【2017❤旅遊】夏之遊✈️大阪 ｡★｡24小時連鎖店松乃屋豬扒定食店

顯示分享連結

係第一日去到大阪，Check in 完再搵地方食野
都成夜晚2030，酒店附近都係得7-11亦唔係好多野食
所以就打算行去難波方向再過心齋橋睇下有咩野食咁啦

今次既旅程係所有野都隨心而行，咩都係以阿仔為先
所以行到差不多到難波既時候，就見到呢間
類近吉野家咁既鋪頭，重點係好似可以入BB車呀嗎
同埋睇落唔係天價，可以考慮下
所以我地日本既第一餐就黎左食呢個《松乃屋》
呢間松乃屋主打都係吉列豬扒既食品，

有咖喱的,蕃茄的有鹽燒的
仲有一些炸蝦,燒物等等!


而當中吸晴我入去食既主要原因就因為佢
500Yen 大優惠,咁岩見到佢地由14-28/6 都做緊呢個
創業祭優惠,計番都唔算好貴
又攰攰地不如快快手去食左先算啦
咁岩我地去個陣有三款既特價定食

分別就好似有鹽燒吉列豬扒定食,蕃茄吉列豬扒定食
仲有最後一個真係唔記得啦

咁本身我就諗住同老公講一人一個唔同味既定食啦
係要入錢係部機度買左飛然後交比店員就可以啦

交底左飛仔,好快店員就送上水比我地啦
而每個位置亦有不少醬汁可以比大家去品賞
由其d 椰菜醋,其實我真係好想食
但係食椰菜會影響奶量開始...我就冇食過啦


係日本最估唔到就係佢對於小朋友既野真係好好
好似我地冇問佢有冇BB 餐具,佢地自動奉上
亦冇唔鐘意既既樣子,係香港除非真係親子餐廳
或者唔太多人個陣啦,你帶小朋友真係關公上身啦


本身我係同老公講要一個鹽燒的,一個係蕃茄的
而部機亦有中國語的,都唔明點解我老公點左兩個都係
呢個蕃茄芝士吉列豬扒,其實我對於蕃茄有一種莫名既討厭
認識我的朋友就會知道為何,仲之我好怕食有蕃茄既食物


除左我係唔食蕃茄既問題,其實佢地D 吉豬都尚算不錯的
同香港有間專食豬扒既鋪頭比就差一點點啦
豬扒有D 好有咬口但係有D好就好似梅左定唔知係因為急凍問題咁
但係日本D 飯真心好好食,小PQ 都食左不少我地既飯
如果大家覺得普通一個飯唔太夠喉唔緊要
可以加多50 YEN 加大個飯架


就係咁,我地就開始呢個第一日既行程啦,
真心覺得曬左一整日囉,唉......
詳情及其他分店亦可以到以下網頁查詢
https://www.matsuyafoods.co.jp


松乃家 なんさん通り店
〒542-0075 大阪府大阪市中央区難波千日前8-12
ショッププランナー国際東ビル1階 [ ←地図の中心にする ]
(對面有六層樓高既100 Yen 店)

日本大阪親子遊 Day 1
酒店: Hotel Hillary 介紹

希望你地都喜歡小妹既介紹啦
想隨時留意小妹及小PQ生活點滴同Blog 文分享

記得要Like 我既專頁啦
↓↓↓↓↓↓↓


◕‿◕如有任何問題歡迎聯絡小妹
電郵:[email protected]

以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyle ❤ BeautyLife ❤ She Blog ❤
U Beauty ❤ Beauty Exchange

如果喜歡我們的文章，請即分享到︰