【2017❤旅遊】 夏之遊✈️大阪 ♬ 親親小動物.天王寺動物園
因為之前既打風關係,本身已經遲出發既Day 1
加上打完風亂曬龍既要Delay 曬d 航班,為左曬左既第一日,係Day 2我地就早早起左身
食好早餐就出發去玩啦,好好利用左張one Day Pass
今次小妹我就冇特別去買左d 咩大阪周遊卡或者咩關西周遊卡
因為知道帶住個小朋友係即使度好行程,其實都未必去得成
所以我就係本身買Packing 旅行社買左呢套
南海鐵(單程)+OSAKA 1day pass
咁就係可以係你去兌換張南海鐵飛既時間
張1day pass 就需要係當日或第二日當天使用
要留意雖然佢張1day pass 係列明24小時
實情係使用到當天地鐵關門架咋
所以要好好善用呢張One Day Pass
第一站我地就黎左天王寺,其實係我地住既酒店行過黎都係大約15mins 路程,但係有卡嗎就搭車過黎啦
係難波站坐兩個站左右就到啦
係地鐵既出口往天王寺動物園出口就可以啦
一出左路面,過對面就會見到呢一條既花花通道
然後再跟人群行就好快就甩到動物園架啦
過左馬路就係動物園啦,我地利用左呢張One Day Pass
可以有-100 入場(正價500)
為番大約都係60蚊港紙兩個人左右啦
係動物園入面有分大約三個區域
分別有野獸/大型動物區域
雀烏/跳動動物區域
同四足動物區域(好似係)
首先我地就去左四足動物區域
或者我地去既時候係比較早同曬既關係好少人
好似有駱駝,有呢隻鴯鶓(EMU)
佢地既頭係藍色架,都幾大隻架
同埋有D 綿羊同埋小動物(如免仔)
小動物係指定時間係可以餵佢地架,
但係個陣要兩點先開始所以就冇專登等到咁晏啦
然後我地就去猛獸區域啦.....
呢幅圖完全講曬整個動物園有既區域係度
明明係一個好靚既牆係我老公眼下影出黎...
首先有一個我真係以為係機械/公仔既老虎我望左佢足足有五分鐘,佢完全Keep 住個Pose 差不多4mins
係最後先郁左一下咁多,不過係佢地既隔離都有另一隻
會郁既大老虎,當地既日本人仲主動同我講隻老虎係邊度
其實呢隻鷹唔可以講係猛獸區,但係佢真係好特別
當我轉身見到佢咁,即刻影左張相
好快佢就收左對翼,唔知係唔係有位小朋友對佢做左咩動作呢?
講起猛獸又點可能少左佢先得架,
講緊就係全世界跑得最快既貓
即係美洲豹啦,我成日以為d豹紋毛毛黎
原來唔係咁近距離睇到佢地都唔知原來係冇咩毛架
然後我地就黎到青青既草源,見到有長頸鹿同埋羚羊啦
突然見到d人突然走曬去某一個方向,
我又八下睇下有咩睇先
原來可以面對面見到個長頸鹿,原來真既長頸鹿真係好高
高到有點真係估唔到,光珠應該唔夠佢地
同埋睇住佢地食野真係好過隱呀!!
整個旅程入面我最開心係我仔開始學人識行
所以係動物園我都好放手仍佢周圍行下
睇番轉頭佢呢d學行既相片都覺得好開心
雖然Gogo 仲未識去睇魚魚既時間
不過睇佢玩下玻璃拍下d 魚都好似幾開心咁
最後就大約留左兩個鐘左右係呢度,
的確呢度係好細冇咩野玩咁好多人都偏去另一邊既大動物園
但係對於我呢d新人仲要帶初帶個個歲幾既小孩
去日本仲要去動物園其實係好攰
不過日本既親子設施真係好好既,
好似廁所咁都會有親子廁所,可以幫仔換完片
順便自己去埋廁所都冇咩問題
同埋佢地好多飲品機,唔會似香港一味得個貴字
日本大阪親子遊 Day 1
酒店: Hotel Hillary 介紹
松乃屋豬扒定食店
希望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓↓↓↓↓
◕‿◕如有任何問題歡迎聯絡小妹
電郵:[email protected]
以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyle ❤ BeautyLife ❤ She Blog ❤
U Beauty ❤ Beauty Exchange