| b a b y | 人奶路不易走（初） – 難離難捨的母乳。
每次當我想寫有關餵人奶blog文的時候，都好像是想要掛泵卻又不捨得掛泵的時候…….母乳有多好不在話下，大概每個生產過的媽媽都有不同的經歷。仔仔今天Day74了，已經是兩個半月嚕。現在的情況是：我只餘下每天泵到不足30ml（一安）的人奶……….一切都是咎由自取…..現在BB兩個多月了…..奶量就少到像Day4時候的我。
Day4那些是隨便手擠的，後來Day5才的起心肝拿出泵奶器，好好多，但坐月時對人奶又沒怎研究，又笨！淨係單泵，每邊20分鐘，次次泵成粒鐘….為什麼當時我不雙泵呢！！！！？？雙泵慳一半時間！
由最初全埋身全人奶都中段半人奶半奶粉最後段（現在）差不多全奶粉，都怪自己太早開始復工加懶追泵，沒記錯我在Day13已經恢復工作了，你羡慕我home office的同時，其實我在坐月期間都好羡慕可以真正放產假的媽媽呀！是真的可以完全不用返office及工作的….我不是想怪屋企人不支持母乳，但我媽媽真的對餵母乳完全沒有經驗，大家都只想我多休息，不想我辛苦才：唔好咁辛苦啦～
當然初期也是聽到不少「餵唔飽個仔」之類的說話，我只能夠回覆喊就餵、喊就餵個個都係咁的。但老一輩想法始終不同，他們會覺得BB食得夠飽就會訓得好，不會隔兩小時扭食…..（但人奶就是這樣兩小時埋身一次呀）坐月期間我已經盡量不安排朋友探訪，當然還是要應酬好幾場親戚探訪，但我知道這些都不是藉口，我也有在自己房泵啊。
大約一星期左右我都已經上奶了，記得有幾晚都谷到訓不到，乳頭痛到掂一掂都想死！奶墊一天換幾次！胸谷到湯胸咁大！（為什麼那個時候不努力泵出來呢…）看到這些相片，真的好後悔…..
後來已經有足夠儲備夠仔仔食了，雖然屋企人始終覺得人奶餵唔飽….唉！例如仔仔飲到三安(90ml)，他們會認為同樣飲人奶90ml大部分是水不夠飽…..於是一直補奶粉。加上仔仔初初有少少黃，就完完全全怪罪於人奶了！（人奶是退得慢我知道….但他們不理解）
在不知不覺中，減泵了，奶量也跟著少了，在Day23時驚覺奶量只餘下少量…….知道最可以追回奶量的方法是全埋身，當時仔仔在飲了二十幾日每餐都用奶樽餵奶粉或人奶後，仍然好肯埋身啜，由出世姑娘讚佢好叻好肯張開嘴巴啜，係我沒有好好珍惜給你每天盡量埋身的日子、亦錯過左曾經谷奶的日子、自己不努力密密泵…
前陣在網上看到類似一句的說話：唔好貪一時自己方便，就要個仔食罐頭啦….
唉…其實仔仔已經食到第九罐奶粉了。
看到更加自責！自責是因為明明有奶…仔仔現在每餐已經食到五安半奶粉差不多七安水了，要追到夠食應該完全不可能！現在每日泵三次左右，夜晚訓醒朝早泵的最多，但都是20分鐘兩邊加埋得15ml左右…其餘隔幾小時一次泵的20分鐘都是幾ml…已經再沒有谷奶的感覺了。到底應該點呢？要停的話隨時可以…..卻不捨得，每天得少少只作仔仔餐與餐之間的snacks…..
陀BB時好多人問我會否餵人奶，我都答會但不想俾自己太大壓力，如果無奶就唔勉強！食奶粉一樣肥肥白白……..最緊要健健康康，反正我都是食奶粉大嘛！
雖然仔仔食得訓得痾得亦重得不錯，但原來還是會有一份說不出的遺憾……..
都兩個半月咯，追到嗎？每天飲2L水有幫助嗎？現在還需要食谷奶上奶的食物嗎？是完完全全沒有谷奶的感覺（不然怎會泵得如此少）上星期決心追奶時，試試加密泵，幾小時泵一次哪怕只是泵空氣，但就已經泵到好痺好痛了….
之前都會在餐與餐之間俾仔仔埋身啜，佢都肯啜10分鐘架，昨日再試好似唔肯了…..是出世以黎第一次拒絕我，好傷心…….
人奶路不易走，後悔了，現在想追奶….更難。
591 total views, 591 views today
Day4那些是隨便手擠的，後來Day5才的起心肝拿出泵奶器，好好多，但坐月時對人奶又沒怎研究，又笨！淨係單泵，每邊20分鐘，次次泵成粒鐘….為什麼當時我不雙泵呢！！！！？？雙泵慳一半時間！
由最初全埋身全人奶都中段半人奶半奶粉最後段（現在）差不多全奶粉，都怪自己太早開始復工加懶追泵，沒記錯我在Day13已經恢復工作了，你羡慕我home office的同時，其實我在坐月期間都好羡慕可以真正放產假的媽媽呀！是真的可以完全不用返office及工作的….我不是想怪屋企人不支持母乳，但我媽媽真的對餵母乳完全沒有經驗，大家都只想我多休息，不想我辛苦才：唔好咁辛苦啦～
當然初期也是聽到不少「餵唔飽個仔」之類的說話，我只能夠回覆喊就餵、喊就餵個個都係咁的。但老一輩想法始終不同，他們會覺得BB食得夠飽就會訓得好，不會隔兩小時扭食…..（但人奶就是這樣兩小時埋身一次呀）坐月期間我已經盡量不安排朋友探訪，當然還是要應酬好幾場親戚探訪，但我知道這些都不是藉口，我也有在自己房泵啊。
大約一星期左右我都已經上奶了，記得有幾晚都谷到訓不到，乳頭痛到掂一掂都想死！奶墊一天換幾次！胸谷到湯胸咁大！（為什麼那個時候不努力泵出來呢…）看到這些相片，真的好後悔…..
後來已經有足夠儲備夠仔仔食了，雖然屋企人始終覺得人奶餵唔飽….唉！例如仔仔飲到三安(90ml)，他們會認為同樣飲人奶90ml大部分是水不夠飽…..於是一直補奶粉。加上仔仔初初有少少黃，就完完全全怪罪於人奶了！（人奶是退得慢我知道….但他們不理解）
在不知不覺中，減泵了，奶量也跟著少了，在Day23時驚覺奶量只餘下少量…….知道最可以追回奶量的方法是全埋身，當時仔仔在飲了二十幾日每餐都用奶樽餵奶粉或人奶後，仍然好肯埋身啜，由出世姑娘讚佢好叻好肯張開嘴巴啜，係我沒有好好珍惜給你每天盡量埋身的日子、亦錯過左曾經谷奶的日子、自己不努力密密泵…
前陣在網上看到類似一句的說話：唔好貪一時自己方便，就要個仔食罐頭啦….
唉…其實仔仔已經食到第九罐奶粉了。
看到更加自責！自責是因為明明有奶…仔仔現在每餐已經食到五安半奶粉差不多七安水了，要追到夠食應該完全不可能！現在每日泵三次左右，夜晚訓醒朝早泵的最多，但都是20分鐘兩邊加埋得15ml左右…其餘隔幾小時一次泵的20分鐘都是幾ml…已經再沒有谷奶的感覺了。到底應該點呢？要停的話隨時可以…..卻不捨得，每天得少少只作仔仔餐與餐之間的snacks…..
陀BB時好多人問我會否餵人奶，我都答會但不想俾自己太大壓力，如果無奶就唔勉強！食奶粉一樣肥肥白白……..最緊要健健康康，反正我都是食奶粉大嘛！
雖然仔仔食得訓得痾得亦重得不錯，但原來還是會有一份說不出的遺憾……..
都兩個半月咯，追到嗎？每天飲2L水有幫助嗎？現在還需要食谷奶上奶的食物嗎？是完完全全沒有谷奶的感覺（不然怎會泵得如此少）上星期決心追奶時，試試加密泵，幾小時泵一次哪怕只是泵空氣，但就已經泵到好痺好痛了….
之前都會在餐與餐之間俾仔仔埋身啜，佢都肯啜10分鐘架，昨日再試好似唔肯了…..是出世以黎第一次拒絕我，好傷心…….
人奶路不易走，後悔了，現在想追奶….更難。
591 total views, 591 views today