| e v e n t | 告別尿片疹 ~ 吸得超快！體驗 Huggies最新Platinum鉑金級助防疹紙尿片 ~

作為媽媽，對於尿片真係唔多唔少要研究下～除左聽朋友介紹都要俾bb著過先知岩岩佢用，所以登記試用裝唔係貪小便宜，要真係試過先知架！知道Huggies出左最新Platinum鉑金級助防疹紙尿片，上次去bb展就去睇下新版尿片的吸收力有幾強！（單拖去會展實在好需要勇氣同無限臂力…..）

[/url]
當日去到huggies的攤位，係由一位資深護士示範尿片吸濕力。如圖所示，會有同級的另一個品牌作為對比。


護士當日倒左三次水作為平均bb一晚的尿量，實質數字幾多ml我記不起了，以每晚臨訓至少飲九安奶的jen仔來講，肯定有少無多喇！為防濕透尿片，如果半夜起身飲夜奶一定換片，有時我自己紮醒左都會換條片等佢舒服啲訓到第二朝。


真係吸得好快喎，分三次倒相同份量的水，huggies新版尿片已經吸晒，但另一品牌竟然仲有成灘水！


我都有即場摸下條片仔，雖然仲有少少濕氣但都算乾爽，反而意外質地好滑，當中有個3D層的凹凹凸凸令bb的便便（雖然會即換）同veevee唔會焗住刺激皮膚 ，bb用時屁股應該好舒服啦！


仲拎左包片片返屋企試用！大頭蝦的我成日以為jen仔已經要用XL，其他牌子都買加大碼，其實大碼都仲著到！


新版又真係幾好著喎，除左橡筋位夠彈夠拉力唔會夾到條腰紅之外，濕左變色後又唔會話好墜好大包。


沖涼時除片片摸落去都好乾爽，屁屁都係保持滑溜溜無紅無尿疹，從今以後又多個可以推介比朋友的尿片品牌啦！

諗住影張相姐……仔，未除片唔好落水住啦…..


Special thanks : huggies

#huggies #huggies尿片 #鉑金裝 #防尿疹

265 total views, 265 views today