| l o v e | 祝我生日快樂 ♥ 海洋列車的快樂 ♥ jensonbb 23個月啦~

每年生日都給自己blog留一個位置，因為同jen仔每月更新只差一天，咁就直接寫埋１歲１１個月成長紀錄啦~講下自己先，今年生日就帶埋jen仔一齊去海洋公園，生日免費加成人同行$438加小童free都ok啦，係洋公園每樣野對佢黎講都係好新鮮，佢就至愛ocean express海洋列車啦。


朝早我地10點左右出門，有地鐵真係勁快！由家出發計一個鐘唔駛已經到，surprise其實同disney差唔多～去到排隊買門票，大概等左十分鐘左右～先去水族館再去熊貓館（但喱左係房訓覺無出黎，只能看screen）坐ocean express上山先去水族係冰極餐廳食左餐～生日有八折都ok呀！一飯一意粉一沙律埋單四百幾，一邊睇企鵝一邊食，不過餐廳同冰極天地都勁勁勁凍，一定要記得帶外套去，之後jen仔小睡半小時我地抖一抖～唔想浪費時間我就好毒咁自己去玩攤位同埋行下紀念品店XD都中左個中獎（蜜蜂公仔）同埋細獎（擦膠）~再睇埋水母館坐返ocean express閃人～六點就關門了，返家前買個蛋糕hea切～ok我的生日就這樣在海洋公園過，滿足。（特別感謝K友人借出神器等我唔駛拎大機去，可惜都沒怎拍到好照片….）


妙問妙答（好多！但真係轉頭唔記得，下次真係要搵紙筆寫低）

話說搭巴士坐隔黎有個媽媽抱住newborn咁上下的baby飲人奶。

jen：bb飲媽媽奶架

我：係呀，媽媽奶好唔好飲架？

jen：好飲架

我：咁你有無飲呀

jen：jenson　bb有飲呀

我：咁而家仲有無飲呀？

jen：無呀

我：而家飲咩架？

jen：飲牛奶架

我：牛奶咩名架

佢真係答我illuma…


記錄一下23個月的狀況，看來真的沒法記得太多～但感覺是越來越看到骨子裡的性格了。

• 連續說完整的句字（中文及英文）開始可以同不同人講不同語言，講中文的完整句字較流利。
• 無限唱好多首歌 rain rain go away /abc songs / fish swimming in the water / 維他牛奶廣告歌 / 雪印廣告歌 / 5 little monkeys / twinkle twinkle little star / open shut them / think big主題曲 / the wheel on the bus
• 極度沉迷MTR train，根本是一個火車迷
• 82-83cm左右，鞋仔買13-14cm。
• 對於地鐵站拎的傳單愛不釋手
• 開始在掛牆廁板VV每日幾次／但痾屎堅持唔坐potty；佢話：唔想著片，但由於未買戒片褲所以唔會唔著片住。
• 湯怪仍是湯怪／仲用奶樽飲奶
• pn offer作實
• 成日中意倒後行
• 有時影相專登唔望，或者有snacks引佢先會專登講：笑
• 臨訓前自己無限不停講野……………….包括自言自語及同bear / monkey 公仔自問自答「bear有無食飯呀」「有無飲湯呀」「有無食生果呀」「有無訓覺呀」…
• 俾人打／推／撞都唔會還手，如果真係痛會喊或者好委屈咁扁嘴，會話俾媽媽知
• 如果做錯事，會手放後面，講對唔住媽媽，我知錯喇，同埋話以後唔會做
• 未有trouble 2 行為
• 影左cake smash II

話都無咁快～下個月兩！歲！待續

913 total views, 484 views today