| b a b y | Jenson要當哥哥了! 兩歲四個月+兩歲五個月合輯成長記錄
對抗孕吐中的我在這幾個月實在感到太多力不從心……連原有的一個月一次成長記錄也沒法如期完好，看看schedule book「下！乜原來已經11月6號」jen仔又大一歲了。返左學之後每天的schedule 都變得有點tight，週末忙著出去玩，然後11月更是忙著要逃學四圍去interview的日子。（相片中的我，懷有第二胎三個月有啲肚腩仔咁啦。）
返pm class的他，朝早抱頭大睡至11-12點，有時候早上起來衝衝忙忙食個brunch便要送返學了。放學慢慢一齊散步回家沖涼飲湯就秒睡到晚飯前，感覺忙到連看書、砌路軌的時間都唔多夠。忙忙碌碌又五日，畢竟只有兩歲幾人仔，對於返兩歲班我仍然覺得可有可無，正面的原因有不少：如聽到他提到學校的同學仔名好開心、放學好開心時、返學後的短短一兩個月看到明顯的進步，說話大膽了大聲了、還有在家中不停的唱歌、學習分離所以面對k1 面試時都能在零準備的情況下做得不錯尤其是當你的孩子是超級sticky；負面是返學多小朋友，快好返的同學仔返學大家又互相傳染一個惹一個、捱左兩個月jen仔岩岩都大病左一場（結果連週末的學校旅行都去唔到，著實可惜）突然高燒到39度半日都唔退，本來執野諗住要入港安了，好彩臨訓出一身汗總算退燒，自己又大住個肚，病左特別嗲啦乜都要媽媽而我又力不從心都抱唔到耐………..退燒之後就濃痰鼻水一齊黎，逃學好幾天還是休息四天仍在咳….湯水都煲到盡西藥也在沒辦法的情況下食了，總之身體健康真係最緊要，希望今次病左鑊金有抗體可以開開心心過聖誕啦！（學校假期放16天yeah）
說到返學後最明顯的轉變真的是比以前更勇敢同埋大膽左，他更能唱更多更多的歌同對答如流，對於把口停唔到的我來說，嫁了一個沉默理性的老公，總算生了一個同我晚晚吹水吹唔停的兒子好感動，通常關燈後仲要傾左15-30分鐘先訓………
已經能主動表達出自己想要乜，嚴格黎講係有數講有得傾啦。例如講好左面試後有某某某糖，佢實記得架，一日未到面試那天都日日提住，見完都未出校長室就問我係咪有糖食呀。然後不知不覺就戒掉手機一段長時間了，當然如果俾佢睇手機佢唔會抗拒，我玩手機時，佢會在側邊講：「媽媽，你唔好玩手機啦。」我在廚房偷偷食薯片，出到廳仲有少少味，佢會話：「你頭先係廚房食左咩呀。」記同學仔名又幾厲害喎，中文名同英文一個配套咁樣記得～都講得出二十個…….
返學喊左三個星期左右就終於開開心心同媽媽SAY BYEBYE啦，但間中隔左個週末無返學星期一返番又會眼濕濕，爸爸送返學又眼濕濕，間唔時都會眼濕濕忍唔住話唔想BYEBYE MAMA架，眼淺到呢……….成個女仔咁嗲。
記錄一下2歲4-5個月的狀況：
話說我岩岩有左時已同佢講媽媽有左BB唔可以抱。
JEN：「你無BB咩」
我：「有呀。」
JEN：「但係好耐無抱」
我：「有BB抱唔到呀」
JEN：「抱啦好耐無抱呀….」
我聽到都心碎了，要求了好幾次都唔成功後，佢就無再叫我抱了。但有時我坐梳化抱抱佢，佢會好開心…………懷孕時的不適但願快快離我而去，希望12月的週末可以一齊出去遠啲玩啦！有關K1面試的都見左好幾間，龍校神校最後報左都無去，要讀到的始終都係會讀到，半人獸的我對於轉呔近就好，你快樂就好。
1,519 total views, 283 views today
返pm class的他，朝早抱頭大睡至11-12點，有時候早上起來衝衝忙忙食個brunch便要送返學了。放學慢慢一齊散步回家沖涼飲湯就秒睡到晚飯前，感覺忙到連看書、砌路軌的時間都唔多夠。忙忙碌碌又五日，畢竟只有兩歲幾人仔，對於返兩歲班我仍然覺得可有可無，正面的原因有不少：如聽到他提到學校的同學仔名好開心、放學好開心時、返學後的短短一兩個月看到明顯的進步，說話大膽了大聲了、還有在家中不停的唱歌、學習分離所以面對k1 面試時都能在零準備的情況下做得不錯尤其是當你的孩子是超級sticky；負面是返學多小朋友，快好返的同學仔返學大家又互相傳染一個惹一個、捱左兩個月jen仔岩岩都大病左一場（結果連週末的學校旅行都去唔到，著實可惜）突然高燒到39度半日都唔退，本來執野諗住要入港安了，好彩臨訓出一身汗總算退燒，自己又大住個肚，病左特別嗲啦乜都要媽媽而我又力不從心都抱唔到耐………..退燒之後就濃痰鼻水一齊黎，逃學好幾天還是休息四天仍在咳….湯水都煲到盡西藥也在沒辦法的情況下食了，總之身體健康真係最緊要，希望今次病左鑊金有抗體可以開開心心過聖誕啦！（學校假期放16天yeah）
說到返學後最明顯的轉變真的是比以前更勇敢同埋大膽左，他更能唱更多更多的歌同對答如流，對於把口停唔到的我來說，嫁了一個沉默理性的老公，總算生了一個同我晚晚吹水吹唔停的兒子好感動，通常關燈後仲要傾左15-30分鐘先訓………
已經能主動表達出自己想要乜，嚴格黎講係有數講有得傾啦。例如講好左面試後有某某某糖，佢實記得架，一日未到面試那天都日日提住，見完都未出校長室就問我係咪有糖食呀。然後不知不覺就戒掉手機一段長時間了，當然如果俾佢睇手機佢唔會抗拒，我玩手機時，佢會在側邊講：「媽媽，你唔好玩手機啦。」我在廚房偷偷食薯片，出到廳仲有少少味，佢會話：「你頭先係廚房食左咩呀。」記同學仔名又幾厲害喎，中文名同英文一個配套咁樣記得～都講得出二十個…….
返學喊左三個星期左右就終於開開心心同媽媽SAY BYEBYE啦，但間中隔左個週末無返學星期一返番又會眼濕濕，爸爸送返學又眼濕濕，間唔時都會眼濕濕忍唔住話唔想BYEBYE MAMA架，眼淺到呢……….成個女仔咁嗲。
記錄一下2歲4-5個月的狀況：
- 都係好中意砌路軌
- 夜奶仍繼續，好似飲少左，有時臨訓一餐+3am/6am一餐捱到朝早起身再飲
- 飲緊illuma 3
- 呢排試買merries XL無敏感又平啲，著住片都會有時講veevee
- 日日lunch都話要食通粉
- 突然愛上長柄梨，成日話要食芒果藍莓，秋天一定買到芒果啦…
- 試轉飲盒仔奶，又幾中意喎
- 身高 87cm
- 對答如流
- 記性幾好
- 夜晚訓覺時會痴住我訓，然後話唔要爸爸呀
- D chinglish實在不得了，有機會再節錄
話說我岩岩有左時已同佢講媽媽有左BB唔可以抱。
JEN：「你無BB咩」
我：「有呀。」
JEN：「但係好耐無抱」
我：「有BB抱唔到呀」
JEN：「抱啦好耐無抱呀….」
我聽到都心碎了，要求了好幾次都唔成功後，佢就無再叫我抱了。但有時我坐梳化抱抱佢，佢會好開心…………懷孕時的不適但願快快離我而去，希望12月的週末可以一齊出去遠啲玩啦！有關K1面試的都見左好幾間，龍校神校最後報左都無去，要讀到的始終都係會讀到，半人獸的我對於轉呔近就好，你快樂就好。
1,519 total views, 283 views today