[意甲故事]米蘭的興衰﹐伊巴謙莫域要負全責?

顯示分享連結
米蘭意甲二哥的優勢已經冇晒, 拿坡里只係作為最後的劊子手; 相反, 城內另一側的國米, 擊敗祖記後繼續穩步上揚, 只要唔臨尾香, 意甲的榮耀將會落到藍黑軍身上。


米蘭打比固然為紅黑軍團蒙上陰影; 而2月28日, 為AC 米蘭的分水嶺。
Ibrahimovic in action vs AS Roma in Serie A


對陣羅馬賽事, A米早段有兩次黃金機會: Pau Lopez 玩球俾伊巴截到, 但是伊巴空門前失機; 列比治反擊傳俾伊巴入球, 但是爆發力不足令早左半步截球射門, 最終越位食白果。54分鐘, 受到上場同今場的壓力, 39歲的身體亦支撐不住, 利奧後備入替。從此場開始, 伊巴暫再沒踏出球場半步......

A米三月戰績結果如下:
AC Milan 1-1 Udinese (Home)
Hellas Verona 0-2 AC Milan (Away)
Man United 1-1 AC Milan (Away)
AC Milan 0-1 SSC Napoli (Home)

冇左伊巴的米蘭, 入波都變得更困難。場境好似季初的曼聯: 作客虎頭﹑主場蛇尾。
冇左伊巴的米蘭, 靠既入波並不是Open Play, 而係 基斯爾(Kessie)的 12碼﹑古尼治(Krunic)的罰球﹑基查(Kjær)的角球。萬中無一只有曼聯借將達洛特(Dalot) 的反擊遠射。

Simon Kjær header goal vs Man United in Europa League


事實上, AC Milan 成也三人﹑敗也三人: 伊巴﹑查漢奴古﹑列比治。

現今足球以高效反搶﹑反擊作為主軸﹐米蘭的前場3子正正在前半季提供了巨大前場壓力, 令對手顧唔到進攻﹐同時都增加防守成本。今季A米 靠著 基斯爾的中場反搶, 截擊﹑查漢奴古﹑列比治運上前場﹑伊巴完成最後一射, 最終上下一心走到多年未走過的意甲頂峰。
事實上, AC米蘭的數據不算太亮麗, 24球入球來自Open Play, 屬意甲第10; 3球來自反擊, 而12碼高達12球, 為意甲之冠。數據講俾大家知: A米靠著的係反擊時別人的魯莽犯規而取得關鍵入球。固然的確為一種計謀, 同時代表此策略不會長遠成功, 只要對手守將聰明一啲﹑預判好啲就唔會有機會。

但二月尾起傷出了後面三個前場核心, 亦令到對方面對的壓力大大減少, 同時此消彼長, 令到A米只可以靠僅餘的死球來「吊命」。而基斯爾又回到當時﹐自己運個波上去, 但冇人接到的窘境。

Franck Kessie in Action vs Man United in Europa League

同時, 呢種窘境亦令球迷好快聯想到過去十年的低潮, 其實一直都離不遠。伊巴已經39歲, 唔再有係十年前29歲棒盃的時的身體狀況。呢個境況亦提示左A米的董事們唔可以再亂洗錢去代替伊巴: 巴卡﹑比亞迪克﹑卡連歷﹑安祖施華等晒既錢已經夠多。




今個夏天, 務必要成功解決「What if there is no Ibrahimovic」呢個問題。不然, 紅黑軍只會再沉倫在「中遊豪門」之中。

如果喜歡我們的文章，請即分享到︰

標籤: acmilan  意甲  歐霸  AC米蘭  曼聯  伊巴謙莫域