有神無韻既韓式炸雞
工作過後當然都好好休息啦，星期日我地大約開左4個鐘既腦震盪會議，開完會之前，可能因為用腦過度，好想食野本來諗住去試下KFC既牛油炸雞，但突然醒起荃灣廣場開左一檔過江龍韓式炸雞，一於去試吓佢係過江龍定係過江蟲啦！
我地叫左咖哩蜜糖炸雞，其實韓國好多炸雞店都可以加錢雙拼兩款味道既，但依道呢款款炸雞都定價150蚊以上，佢大部份食品定價都係150蚊以上(飲品例外啦)，定價絕對唔算平，我地點餐既時候問店員有冇得雙拼，店員話冇，但係就係用全雞去做炸雞(姐係原隻雞)連雞頸都炸埋比你！冇得雙併依下已經好唔開心，因為想試多一款口味，如果次次都係兩個人黎食，只少要黎多大約4-5次先有機會試曬佢啲雞！
老老實實講佢啲炸雞不過不失，唔會好乾啲肉好柴，但亦唔算好多肉汁，調味方面呢就雞肉裡面食唔到有咩味，佢既腌料主要係外層既炸漿到，並沒有滲入雞肉！又因為腌料既關係炸得比較燶！由於保用全雞嘅關係所以雞胸肉會較多！
仲有食炸雞最好當然係要隊杯冰凍既啤酒啦，依分店仲未攞到酒牌，所以就暫時唔可以提供酒精飲品，冇得啤一啤真係好鬼冇癮，個碟白蘿蔔配菜比得鬼死咁孤寒，可能怕香港人唔食晒左啦，喺韓國食啲餐廳亞姨會比好多傢！其實嗰碟白蘿蔔係比你清下口腔減輕你既油膩感覺同冇咁熱氣！
雖然呢間分店暫時有韓國廚師煮理，因為正正坐喺我隔離就有四五個韓國仔（包括大廚）佢地自己都喺度隊炸雞，坐喺佢地旁邊有一刻我覺得自己係韓國，但一食返一啖雞既時間我就知我宜家係喺香港，同係韓國食真係差太遠！
明明喺韓國食炸雞飲啤酒，喺一件好放鬆既事，大家一班朋友食下飲下吹下水，但依間野係有90分鐘用餐時間限制(我地去嗰陣唔係飯市時間)，餐廳得幾檯客，根本成件事變質，只不過係將成件事搬咗過黎但搬得有神無韻，失去左依件事原有既樂趣！食完之後我同西裝友講咗句：「媽呀，我要返韓國呀！」
更多精采內客請㩒：http://www.eatwmacy.com/
