【疲勞指數】想知自己有幾攰？4個步驟就知道

打工仔有時做到無停手，返工放工行步路都成隻喪屍咁！其實睡眠不足已成為大部份都市人，特別是打工一族的終身毛病！以為習慣了就不會有問題？其實分分鐘你攰的程度是同你夜晚去了做賊一樣！係攰到不得了！只不過是你自己不知道！想測試一吓自己的身體和精神有幾攰？做以下四個步驟就一清二楚！
步驟1：疲勞指數25%
留意自己有否經常上班時忍不住要閉眼睛、打瞌睡，做起事上來又沒有精神，間中又會無端端發脾氣，對一些雞毛蒜皮的小事感到不滿，更會有頭痛、頭昏腦脹的問題，記性仲會差左、專心不到呢？如果你有上述的症狀，你的疲勞指數是25%！ 其實以上這些問題都是都市人打工仔的通病，始終打工仔朝九晚八經常長時間工作，不夠訓不但止仲要成日睇電腦打文件，有以上的毛病都不出奇。當然想改善問題都不算困難，只是需要持之以恆，例如在公司多做一些伸展的動作、望下遠野，假日做多點帶氧運動，身體fit 啲，個人健康啲，返工都精神啲啦！

步驟2：疲勞指數50%
身為打工仔的你除左步驟一所述的身體症狀外，仲會不會不定期或經常有肩、頸、膊、腰和背部等酸痛的問題呢？在公司長時間工作又會眼乾眼澀、動作不靈活 ？ 甚至覺得關節部位酸軟無力，有耳鳴喉嚨痛胃痛等毛病？其實這些症狀都在告訴你，你的疲勞指數已經達到一半，即是50% 了！但是長時間的工作時數，沒有空閒處理，絕對不是忍受這些病症的藉口！改善自己的生活習慣定能有助解決問題 ！ 例如有肩、頸、膊痛的話就嘗試郁動多點，不要令問題惡化。而且有以上的症狀不要一味忍受，以為習慣了或者過一排就冇事，更不要倚賴藥物控制！如果被病痛長期受影響的話，就建議你去睇下醫生喇！
步驟3：疲勞指數75%
成日消化不良搞到胃痛胃脹？又經常有便秘、腹部不適的問題？皮膚欠光澤、甚至出疹？肌肉崩緊？成日覺得冇精神、成身軟林林？如果你有埋以上的這些症狀，你的疲勞指數已高出一半！達到75%！代表你已是處於高度疲勞的狀態！要改善高度疲勞的症狀並不容易，因為這些病症都是長期累積而成，亦同個人生活和飲食習慣有關。如果你正受住這些病痛的影響，甚至影響到你的日常社交生活，就唔好再等喇 ！ 即刻去搵醫生啦 ！

步驟4：疲勞指數90%或以上
經常腹瀉肚痛？早上起身啱啱訓醒都係好攰？在公司稍微做一些公事、專心一陣都很快處於疲勞狀態？成日患上各種不同的病？每日好累但上度床都訓不到？甚至被問題影響到個人生活、社交，嚴重至工作上的效率！做事變得緩慢、準確性嚴重下降，或者開始厭惡人多嘈雜的環境？告訴你，你的疲勞指數已達90% 或以上！是屬於極度疲累的水平！呢個時候除左要改善個人的不良生活和飲食習慣，最好都係去尋求醫生的協助！甚至放自己一個大假，同屋企人朋友周圍行下，放鬆下自己長期一直崩緊的神經和身體，為自己的健康着想下，打拚的同時都要顧下身體，和家人朋友對你的關愛啊！萬一你捱出病來，他們一定會很擔心的！
Check完以上四個步驟，希望你的疲勞指數都只是停留在25% - 50% 的低至中程度啦！不過就算只是輕度疲勞，都不要稍為鬆懈不注意自己的健康啊！大家在工作上拚搏的同時，都要好好休息！休息一陣再努力一定可以更順利更有效率咁完成工作！