5.13國際請病假日係乜東東？

今日5月13日除了是黑色星期五外，亦是「國際請病假日」，亦有人稱為「國際射波日」。到底「國際請病假日」的來源係點？
國際請病假日是由一個香港藝術單位 C & G Artpartment由2008年發起。發起人藝術家鄭怡敏(阿金)認為香港打工仔「得閒死唔得閒病」已成為一種習慣，遂發起將5月13日為「國際請病假日」，提議各位打工仔請病假小休，讓身心及精神得以恢復。

主辦單位更呼籲打工仔請病假去戶外「寫生繪畫」，呼吸新鮮空氣，享受吓真正的工作生活平衡。

點解叫射波？
其實成日話偷懶唔開工請病假叫「射波」。「射波」即是「事先未經申請就自行放假、唔返工、曠工等」，較有說服力的起源有以下三個：
由於其發音跟「卸膊」相近，所以便借喻為請假去逃避責任
球員將波射給隊友的行為，有如同事突然放假將工作交予其他人一樣，無工一身輕
球員走近龍門射波時，經常做出假裝被侵犯的插水動作，後來就以此引申為詐病放假
發起「國際請病假日」的原意係好，但你又敢唔敢用呢個藉口同老細請假？

溫馨提示：偽造醫生紙屬刑事，都係留返病先好請假啦！