【Exchange知多少】準備Exchange你要知道的事

咁多位大學生！一年唔容易又完sem喇！估大家考完試都應該係計劃緊打咩工同去邊度玩，亦都應該有一部份人為來年去Exchange嘅事緊張！心諗去到嗰度適唔適應得到當地的天氣、生活、飲食、文化，擔心緊識唔識到朋友和學業成績等等，不過計我話，未知嘅事就順其自然、由得佢去到當地再算啦！而家最重要的，都係為Exchange做好一切準備，咁就萬無一失，去到都冇咁騰雞啦！
Exchange前要注意的事：
前往目的地前先確認好簽證期限、保險、機票和住宿的安排，所有資料都應該印好複印本予家人、保險公司和校方。如有任何疑問或者需要，務必主動向相關人員查詢，亦最好先了解當地的天氣、交通資訊、治安和文化等事項。
在出發至少兩星期前，應將抵達日期時間、航班資訊、住址和聯絡方法等資料電郵致相關人員以作確認。
需準備足夠金錢以支付一切申請、學習和生活費用，亦先查詢當地銀行存款的細節需知。
如遺失個人行李，甚至貴重物品，應先向校方查詢，有需要便報警或致電回港向相關保險公司或銀行查詢。
時刻保持個人衛生，在外地睇醫生或者住院費用都較高，保險手續亦有機會較麻煩，所以為了自己的健康着想，培養良好的衛生習慣，唔好要家人擔心你。如當地傳染病大幅肆虐，應留意校方安排，有需要便訂機票回港暫避。為左好好利用難得的Exchange機會充實自己，應在出發前確立好清晰的學習目標，例如想在是次Exchange之旅學到啲咩、在人際關係和性格上如何突破自己，讓自己成為一個更好的人等等。所以為左可以更加了解自己的改變和進步，可以在每個星期或者每個月好似做日記咁總結一下自己的學習生活。
不同地方有不同的文化特色和生活習慣，應尊重和遵守每個國家和地區的法律、制度和文化。
凡事應以自身安全為首位，如遇上任何危險的情況，應盡快離開現場並向相關人員救助。

Exchange要帶啲咩 ?
建議行李箱帶一大一細，另外再多帶一個背囊和細袋。
足夠金錢，提款卡和信用卡必備，海外提款或匯款記得先啟動海外提款和匯款功能以及限制每日提款額。
護照、往返機票、簽證和保險文件複印本。
個人方面 : 洗漱用品、大、細毛巾 (多條)、床單、枕頭袋、被袋 (可先向相關人員查詢住宿是否有提供床上用品)、女性衛生用品 (一個月量便可)、男性剃鬚刀、乾、濕紙巾 (一個月量便可)、指甲鉗、雨遮、剪刀、針線包等等，當然以上物品都可以自行考慮去到當地再買，但留意大部份西歐國家物價都較高。衣物方面 : 去邊度Exchange都一樣要留意番當地的季節和天氣去執拾相應的衫褲鞋襪。
食品方面 : 兩至三日份的乾糧，例如麵包、罐頭、杯麵和即食食品等等，以及少量調味品。
藥物方面 : 感冒藥、止瀉止嘔丸、白花油和膠布，另外可根據個人需要帶備胃藥、消炎藥和抗敏感藥等等。
電器方面 : 手機 (最好多帶一部作後備) (到步後再買電話卡)、電腦、充電器 (有需要請帶備變壓器和轉換插頭)、電池、耳機、網線、USB (至少兩隻)、一人電飯煲和風筒等等。
課上用品方面 : 字典、足夠文具 (包括原子筆、鉛芯筆、鉛筆、鉛筆刨、鉛芯、擦膠、塗改帶、塗改液)、筆記簿 (至少三本)、文件夾 (至少三個)、所需書籍 (如能先購買)、便利貼、小型釘書機和膠紙等等。
另外亦都綜合左大部份學生會選擇的Exchange國家的一些特別注意事項，下面又有冇你嚟緊要去的國家呢 ?
嚟緊我地會講英、美同亞洲嘅熱門Exchange 國家，梗有一個你會感興趣，準備去Exchange嘅你記得留意！