增田順一：Pokemon Let's Go係獨立嘅新系列！

上星期任天堂先公佈左最新系到嘅《Pokemon》，分別係《Pokemon：Let's GO！比卡超》同《Pokemon：Let's GO！伊貝》，呢個全新嘅系列遊戲會將手機同Switch互動，而玩法將會係將以前嘅玩法加上繼承Pokemon Go拋波捕捉精靈方法，融合成一個全新嘅遊戲玩法。雖然呢種新玩法會令一班老牌玩家感到陌生，但係可能可以以吸引到一班鐘意Pokemon Go但又無玩開正統Pokemon嘅玩家加入。


面對好壞參半嘅評價，身為Game Freak董事會成員之一嘅增田順一喺一個訪問就講到："推出Pokemon Let's Go絕對係有風險，我哋好想造出另一款所有Pokemon fans都會鍾意嘅遊戲。同時我哋唔會因為最傳統玩法嘅Pokemon，正統續作已經開發緊，預計2019年登場。我哋同時開發兩款玩法唔同嘅Pokemon，係因為Switch實在有好多功能，我哋希望唔同玩家都可以體驗到唔同嘅內容。"

好明顯，增田順一係想吸引一班因為Pokemon Go，而開始接觸Pokemon嘅玩家，同埋希望可以回到當初由田尻智所創造Pokemon嘅理念，當時尻智因為細細個享受著採集同觀察昆蟲等生物嘅樂趣，這段時期嘅經驗，成為他日後製作Pokemon嘅極大助力，佢希望以簡單嘅方法捕捉唔同嘅精靈，就算打贏只係失去戰鬥能力，而唔係流血及死亡，就係希望小朋友喺呢個遊戲世界唔需要面對無意義嘅暴力。但後來嘅系統變得愈黎愈複雜，雖然留得住一班hardcore fans，但越嚟越吸引唔到小朋友，而Pokemon Let's Go做緊嘅正正就係回歸初心，簡化因為發展咗咁多年而變得複雜嘅系統，但又不失咁多年嚟Pokemon嘅味道，令更多小朋友同輕玩家投入Pokemon嘅懷抱。