香薰舒緩感冒小貼士

呢排流感相當嚴重，大家唔舒服第一時間梗係去睇醫生啦，不過我作為一個香薰治療師，就當然同大家分享下點用天然香薰方法舒緩感冒症狀。

唔想睇文字，可以click下面條link

唔好以為香薰淨係可以燃點，高品質嘅香薰精油，用適當嘅方法係可以舒緩我哋身體唔同嘅不適症狀。
＿
✅感冒時推介香薫精油：茶樹（Tea tree)丶尤加利(Eucalyptus globulus)丶薰衣草(Lavender)丶百里香(Thyme)丶羅文莎葉( Ravensara)丶綠花百千層（Niaouli）

以上呢幾款香薰精油，都具有強效殺菌功效，非常適合感冒時及預防感冒時使用，而且香薰有協同效應作用，建議使用兩款精油以上，混合成為複方精油效果會更強大。

方法1⃣- 舒緩感冒按摩油：

預備10ml 植物油 ( 可選葡萄籽油丶可可巴油等）
選以上三款香薰精油，每款三滴混合於10ml植物油內便可
📌可塗抹於鼻丶喉嚨丶胸口及背部，2小時可搽一次
方法2⃣ - 熱水吸聞法：

預備一杯熱水
選以上三款香薰精油，每款一滴，滴於熱水內，即可用口及鼻吸聞蒸氣，呢個方法有效殺死呼吸道嘅細菌，亦方便於寫字樓工作嘅朋友

📌用後水杯記得徹底洗乾淨才可飲用，否則建議另備一個水杯

方法3⃣ - 使用香薰機及擴香儀擴香

預備香薰機或擴香儀一個
選以上三款香薰精油，各三至四滴，滴於香薰機或擴香儀內，呢個方法適合殺死空氣中嘅細菌，防止家人受感染

📌使用香薰機或擴香儀，請盡量保持室內空氣流通

以上三個方法可同時使用，你會發覺用完之後真係舒服左好多，起碼唔使食太多藥，增加肝臟負擔，而且亦會影響生活質素。

🚫注意事項🚫
以上配方係成人濃度，小童丶長期病患者丶孕婦及老人家請咨詢香薰治療師意見