鄭融問候無綫老母遭封殺
影片轉載自: Youtube
鄭融 X 無綫老母 遭封殺
文字轉載自: 蘋果日報 2011年8月2日鄭融去年底遭鍾欣桐（阿嬌）撬走唱片監製男友莊冬昕而喪食發洩，搞到身形暴脹，被所屬的 Neway Star（星娛樂）唱片公司下令減肥和停止她所有工作。之後又有消息指鄭融因為拒絕出席舊愛莊冬昕加盟星娛樂的派對而遭雪藏，是非一浪接一浪。
不滿問感情生活
被指經常辣火頭惹是非的鄭融，原來近日辣㷫埋無綫而遭封殺。消息指她於 6月 4日出席新城活動時，無綫娛樂新聞台女主持黃曉明跟她做訪問，問她跟新男友感情生活如何、有否見家長及家人有否催婚等輕巧問題。豈料訪問後鄭融擰轉背準備鬆人時，竟以口形爆粗說：「 X你老母。」在場主持及無綫幕後獲悉後深感受侮辱，向無綫高層反映後，無綫收費台決定將有關訪問抽起，並決定不再採訪任何有關鄭融的活動。
無綫：好唔尊重
記者昨向無綫外事部副總監曾醒明求證，他承認說：「事件發生喺個幾月前，娛樂新聞台記者黃曉明訪問鄭融，訪問後正如你所講，佢擰轉背有句粗口口形回應番我哋同事，當時我哋記者、攝影師同導演好莫名其妙，唔明點解佢有咁嘅舉動，因為當時一切訪問都好順暢，問嘅係閒話家常、冇觸怒佢嘅問題，唔明點解佢有咁不禮貌嘅反應，現場都有人睇到佢口形，唔會係會錯意。」
曾醒明續說：「事後導演向公司反映，覺得佢（鄭融）好唔尊重，所以佢嘅訪問我哋冇播出嚟，同埋向唱片公司反映佢呢個舉動係不禮貌對待我哋，好影響大家今後合作。唱片公司話純粹係佢個人偶然行為，同唱片公司冇直接關連。」
曾醒明表示今次事件不影響無綫與唱片公司其他歌手合作，但鄭融除外，他說：「佢暫時都唔會有任何訪問。作為一個公眾人物，佢唔開心唔舒服可以先同我哋同事反映，唔使整句咁嘅粗口。」
鄭融 X 無綫老母 遭封殺
文字轉載自: 蘋果日報 2011年8月2日鄭融去年底遭鍾欣桐（阿嬌）撬走唱片監製男友莊冬昕而喪食發洩，搞到身形暴脹，被所屬的 Neway Star（星娛樂）唱片公司下令減肥和停止她所有工作。之後又有消息指鄭融因為拒絕出席舊愛莊冬昕加盟星娛樂的派對而遭雪藏，是非一浪接一浪。
不滿問感情生活
被指經常辣火頭惹是非的鄭融，原來近日辣㷫埋無綫而遭封殺。消息指她於 6月 4日出席新城活動時，無綫娛樂新聞台女主持黃曉明跟她做訪問，問她跟新男友感情生活如何、有否見家長及家人有否催婚等輕巧問題。豈料訪問後鄭融擰轉背準備鬆人時，竟以口形爆粗說：「 X你老母。」在場主持及無綫幕後獲悉後深感受侮辱，向無綫高層反映後，無綫收費台決定將有關訪問抽起，並決定不再採訪任何有關鄭融的活動。
無綫：好唔尊重
記者昨向無綫外事部副總監曾醒明求證，他承認說：「事件發生喺個幾月前，娛樂新聞台記者黃曉明訪問鄭融，訪問後正如你所講，佢擰轉背有句粗口口形回應番我哋同事，當時我哋記者、攝影師同導演好莫名其妙，唔明點解佢有咁嘅舉動，因為當時一切訪問都好順暢，問嘅係閒話家常、冇觸怒佢嘅問題，唔明點解佢有咁不禮貌嘅反應，現場都有人睇到佢口形，唔會係會錯意。」
曾醒明續說：「事後導演向公司反映，覺得佢（鄭融）好唔尊重，所以佢嘅訪問我哋冇播出嚟，同埋向唱片公司反映佢呢個舉動係不禮貌對待我哋，好影響大家今後合作。唱片公司話純粹係佢個人偶然行為，同唱片公司冇直接關連。」
曾醒明表示今次事件不影響無綫與唱片公司其他歌手合作，但鄭融除外，他說：「佢暫時都唔會有任何訪問。作為一個公眾人物，佢唔開心唔舒服可以先同我哋同事反映，唔使整句咁嘅粗口。」