充氣袋笠保時捷多區出沒！第一城鎖車隊奈佢唔何？

有「香港第一鎖車集團」之稱的第一城，向來見到違泊車輛基本上不到幾分鐘已經可以將其鎖車。但有網民今日於 Facebook 發布照片，指見到有人將保時捷以充氣袋笠住車身，連第一城鎖車隊無計可施，引起網民討論。
根據「馬路的事討論區FB」，此車最早出現在淺水灣泳灘停車場一帶，不過當時未有引起特別大關注，在其後它再去到旺角奶路臣街 NIKE 旁，開始有人路過打卡，最後它才轉泊至第一城一帶，停留了一段長時間，才被貼至 Facebook 引來網民討論，最後發現此車最少停留在三個地方，儘管車上未有任何標記及廣告，不少網民都懷疑是廣告技倆回應「賣廣告？今日見第3個地點」，都有車主指「想買，長擺露天嘅就會明白」。
而去到第一城後，該車因為充氣袋就連輪胎也包裹在内，屋園內的鎖車隊都無計可施，因為拮穿充氣袋隨時會被反告毀壞，最終不少保安都路過目瞪口呆看住保時捷。不過當大家以為鎖車隊落敗而逃時，事情卻一再反轉，有網民指「聽到保安話唔走就報警。」，最後兩名懷疑是車主的男子，只好在保安監視下為氣袋放氣駛走車輛。