《新聞女王》龔慈恩拍枱鬧爆堅叔：唔好淨係記得我鬧人
《新聞女王》昨晚播出的一集，由龔慈恩飾演方太其中一幕霸氣拍枱，並展示了比佘詩曼還要強勁的「超級氣場」。
在該集方太親自殺回SNK處理性騷擾風波，當聽到鄧智堅飾演的飛爺懶醒指已就事件「白紙黑字」向員工落封口令時，方太先扮和顏悅色謂：「飛仔呀，我哋做新聞㗎可？！」之後即扯火：「George（馬國明飾）同阿Man係咪身有屎我唔理，大不了炒咗佢哋！你依家係以公司嘅名義叫員工收聲，仲要白紙黑字？！我哋仲有冇公信力？」更邊說邊連拍兩次枱，嚇到飛爺口震震欲以「大意」抵賴，咬住唔放的方太一句ko：「你係想卸責！」雖然場口對白又長又多，但完全未有難到演戲經驗豐富的龔姐，她透露場口一take搞掂：「唔同角度都take咗一個take，難度在於拍正面同反面時點樣令到啲動作連到戲，呢個要靠好小心咁記住。」問到拍枱發火有否嚇怕堅叔，龔姐笑言：「堅叔梗係冇畀我嚇親啦，你哋依家見到嘅堅叔，係佢演得好、人物嚟架咋。其實我聽佢啲學生講，其實佢上堂好有威嚴㗎！」接著更搞笑澄清：「唔好淨係記得我鬧人先得架，我以前都做過唔少柔弱角色㗎！」
在該集方太親自殺回SNK處理性騷擾風波，當聽到鄧智堅飾演的飛爺懶醒指已就事件「白紙黑字」向員工落封口令時，方太先扮和顏悅色謂：「飛仔呀，我哋做新聞㗎可？！」之後即扯火：「George（馬國明飾）同阿Man係咪身有屎我唔理，大不了炒咗佢哋！你依家係以公司嘅名義叫員工收聲，仲要白紙黑字？！我哋仲有冇公信力？」更邊說邊連拍兩次枱，嚇到飛爺口震震欲以「大意」抵賴，咬住唔放的方太一句ko：「你係想卸責！」雖然場口對白又長又多，但完全未有難到演戲經驗豐富的龔姐，她透露場口一take搞掂：「唔同角度都take咗一個take，難度在於拍正面同反面時點樣令到啲動作連到戲，呢個要靠好小心咁記住。」問到拍枱發火有否嚇怕堅叔，龔姐笑言：「堅叔梗係冇畀我嚇親啦，你哋依家見到嘅堅叔，係佢演得好、人物嚟架咋。其實我聽佢啲學生講，其實佢上堂好有威嚴㗎！」接著更搞笑澄清：「唔好淨係記得我鬧人先得架，我以前都做過唔少柔弱角色㗎！」
