老闆孤寒、有計謀？紅磡日式餐廳13封開工利是被盜 共損失「130元」！？

昨日紅磡一間日式料理店被爆竊，一共13封開工利是卻不翼而非，但因為報導出來後發現金額只有僅僅 130 元，引來不少人討論。
據報事發於昨日，在紅磡崇安街23號Soda Mall地下商場一間日式餐廳，一名職員報案指舖內一櫃桶被打開，內裡的財物不翼而飛，懷疑被人盜去。而點算後發現櫃桶裡就被盜走13封、每封10元的開工利是被偷走，警方將案件列作盜竊案處理，暫時無人被捕。
而事件很快亦經各大傳媒報導，不少人都在焦點擺在「10蚊開工利是」上，認為老闆孤寒「點先可以咁優秀，封得出$10開工利是」、「10蚊都夠膽俾，最少都100開工利是啦！係咪想話俾人聽一係孤寒，一係無生意。」、「130 蚊幫餐廳做宣傳 上埋報紙」，更有一個陰謀論講「會唔會啲員工自己報警，想人笑佢地老闆10蚊都夠膽俾」，指一切都是員工為了將老闆的「熱情」公諸於世才出此下策。