周啟生點名狠評陳蕾「離晒譜咁走音」 網民：不如評下姜濤？

音樂人周啟生向來被評是「有話直說」，不時於社交平台公開批評樂壇的各大歌手，不但在去年初以「食垃圾論」力撐梁文禮，並重提廿年前「楊千嬅唔適宜唱歌」，近日又於Facebook發功狂踩剛結束演唱會的陳蕾「離晒譜咁走音」。
陳蕾（Panther）在日前開始在紅館舉行一連四場《念》演唱會，而周啟生在Facebook發文：「有朋友send咗一啲links俾我，係一個女仔嘅演唱會，女歌手叫陳蕾。我之前曾經聽過一兩隻佢嘅 歌，聽唱片製作又真係幾好聽！音樂，歌詞，唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。如果我冇記錯，早排佢攞咗最受歡迎嘅女歌手獎。」
除此之外，對於陳蕾的「走音論」，周啟生更揶揄：「擁抱瑕疵，拒用科技，咁屙完屎，抆唔抆屎？」，有網民更搬出陳蕾在數年前的表現，認為當時她的表現更佳時，就被周啟生以「講以前係感情，好唔好係要睇每一次嘅表現！如果我彈到一坺屎，你唔好話我以前叻，就原諒我！」
同時有網民見周啟生如此敢戰，於是就留言要求評價MIRROR人氣王姜濤，但被他以「唔好叉開話題，哈哈」回覆，其實在去年時他就以「MIRROR欠隊形未成氣候、奉勸佢哋練好啲先出嚟表演」去評價外，亦針到姜濤翻唱張國榮經典歌《追》的表現回應：「單係編曲經已冇新意，成件事已大打折扣，到姜濤零感覺演繹，完全搵唔到哥哥最好嘅嘢…所以要鼓勵佢搵個好老師，勤力地練好啲歌，佢可以搵我。」只是不知事隔一年後，該評價又有沒有改變。

延伸閲讀：
陳蕾演唱會《念》｜《造星V》囝囝、張蔓姿等人擔任嘉賓 陳蕾：我好多謝所有高高低低嘅經歷
Nathan魏念恩擔任陳蕾演唱會嘉賓惹不滿 網紅Matt Leung忍不住發聲：He needs to end