網民自費千八蚊試文苑飯莊 訂位已經出事、脆鱔球評為「肯德基家鄉雞」！

顯示分享連結
深陷食評風波的「文苑飯莊」熱話不斷，雖然大多數網民都想食花生為主，但自然吸引到一班「勇者」親身嘗試，而昨日有網友親身自費幫襯，聲言想看看是百萬 Youtuber 馬田得啱定係抹黑，並分享了自己的食評。
而事主指自己訂位時已經出事，當初指自己先打電話致文苑飯莊，卻被對方要求 whatsapp 訂位並已錄音確認後，去到餐廳時接待處的兩位同事卻找不到自己的資料，又問事主名字跟電話「搞咗幾分鐘好不知所措」，最後卻要他與其他客人share 包廂。

而在點餐時，又被指招牌菜全部都缺貨，事主唯有改叫其他菜式，但沒想到味道更令事主「大開眼界」！先來老火湯被批評淡味、感覺「好水」。而兩道炸物「脆鱔球」和「一口脆腩」就形容成口感似「肯德基家鄉雞」和「炸雞」。之後幾道小菜，表現亦未如理想，多數都被事主以「佢煮仲好食過佢」、「 深水埗啲大排檔一定好食過佢」帶過，事主在文中最後總結表示「整體感覺真係有啲差」，本來想為餐廳平反，但「整體感覺真係有啲差、冇一個位可以平反到」。

而事主亦附上各張食物照片兵供大家參考，有人更將它們與馬田的「手繪圖」排在一起，才知道馬田分享的絕無虛假。而事主的勇者行為更被評為「出事之後仲要親身事發,犧牲精神令我敬佩」、「現代版神農氏嚐百草」、「燈櫈，馬田出來了，真相出來了！多謝你親身分享」、「你有冇事先通知CK Poon 呀？人地唔歡迎冇預約拍攝 （真實對白）」

如果喜歡我們的文章，請即分享到︰

標籤: 香港  食物  文苑飯莊