朗奴高文仍需努力才可以成為一流領隊

朗奴高文在登陸英超後帶領修咸頓取得球隊歷來最佳開局成績，已經證明自己的帶隊實力。但係臨場換人方面仍然有待改善。
我認為領隊的實力主要分3方面：建立球隊、人事管理、臨場應變。

朗奴高文在修咸頓賣走多名主力後迅速重建球隊，實力甚至有增無減；他在建立球隊方面的眼光不容置疑。而他係英國、荷蘭等地的聲名甚燥，亦少有聽到摩下球員有怨言。可見朗奴高文的人緣不錯，人事管理亦好。

不過每次修咸頓遇上困局時，朗奴高文卻似乎無咩能力解決問題。除了11月2:0贏李斯特城換入Shane Long連入2球贏波外，無幾場的換人是令人有驚喜。甚至可以話係估都估到他會換邊個，不外乎就係個3個位！唔係Mane就係Shane Long！

今場0:1輸比史雲斯，其實最應該換走既係Pelle。Tadic傳中唔走位接應，又無幫後面的Elia拉開空位，創造機會。不過在Long傷左之後，Rodriguez同Gallagher又長期受傷之下，修咸頓已經得返佢一個前鋒，無計。
我覺得今場應該係要換入Jake Hesketh，佢對般尼個場踢得超好，但今場連後備都無。

另外，朗奴高文在有Elia的情況下換入Mane，將Ward-Prowse移後真係令我諗極都唔明。今場修咸頓成個中場都打得好好，Reed亦好努力係中場防守，多次化解史雲斯的反擊，令修咸頓可以全場壓住史雲斯黎攻。換走佢之後修咸頓的中場防守力明顯防守差左，之後比史雲斯反擊成功輸0:1。

我唔否認Mane係好波之人，佢去非洲盃前修咸頓都有幾場係贏佢。但之後簽左Elia，感覺上同Mane都係同一種人，兩個係唔係應該同時落場呢？我覺得要換入Mane，都應該要換走Tadic而唔係Reed。

或者朗奴高文覺得要贏，在大好形勢下寧願放棄防守換進攻。不過結果輸左就要接受。德國在世界盃決賽同樣做就贏左，修咸頓在英超就輸左，無辦法。但朗奴高文都係時候要諗多D plan B。