馬天尼斯的成功　雲加莫耶斯一額汗

不得不佩服馬天尼斯
呢位今季由韋根轉投愛華頓既領隊今季帶領拖肥糖對前四亦步亦趨
佢係拖肥糖既成功,真係令莫耶斯同雲加都一額汗
點解?

莫耶斯係帶領愛華頓既十一季
雖說穩穩陣陣,攞過一次前四
但係佢未有錦標,作客對傳統前四未贏過
今季去到曼聯,恍惚面對同一境況
至於馬天尼斯,今季升呢教愛華頓
起初被質疑會否教到好似韋根咁,大打性感足球
但係依家愛華頓繼續係難啃既拖肥糖
而且防守能力並未有退步
馬天尼斯亦係限米煮限飯,但愛華頓今季既踢法確實有轉變
而且各項數據都有改善,除左少左傳中.....
如果馬天尼斯最後帶到愛華頓上前四,莫耶斯之前既十一年
其實都係平庸不過

至於雲加,一月時阿仙奴仲係榜首
依家既情況大家都知,愛華頓只差六分,而且少賽一場
愛華頓之後仲會主場對阿仙奴
雲加都咪話唔驚!
馬天尼斯追得咁近,如果最後追過阿仙奴
雲加就算攞到足總盃,都好難自圓其說
不如就好似傳聞咁,搵馬天尼斯接班好了!
事實上,馬天尼斯既地面進攻踢法,都幾似阿仙奴