基沙文進軍荷里活做「超人」，而「閃電俠」竟然係.....
應屆法國足球先生及西甲最佳球員基沙文，宣佈進軍荷里活，參演「蝙蝠俠」！
咪住先！蝙蝠俠唔係奧巴美揚同巴爾個同宗專屬架咩？基沙文做咩撈過界？
錯啦！基沙文今次係演Superman超人，好厲害！之但係，超人好似要有六呎高架噃.....
無相干，因為今次基沙文只係聲演，唔係飾演。佢為荷里活動畫電影《Lego蝙蝠俠》聲演超人一角 ，早前更趁西甲歇冬期，抽空為電影拍了宣傳片，表明2月8日就會上映。不過，基沙文有份參予的是法語版 ，就算你識法文，都可能要到法國或法語國家先有機會睇到，而在英語版聲演超人的是荷里活型男Channing Tatum。
基沙文在宣傳片中，還裝上Lego手，做出招牌的打電話動作，戲裡戲外，真假難分，但又話時話，超人個動作唔係舉起一隻手~ 飛呀咁架咩？
除咗超人，正義聯盟的閃電俠亦會粉墨登場...... 你估係邊個？據法國傳媒的消息，法語版的閃電俠把聲原來係巴黎聖日耳門的中場馬度迪，呀.....噢！《Lego蝙蝠俠》是Lego玩具與美國DC漫畫及華納合作的3D電腦動畫電影，為2014年上畫的《Lego英雄傳》衍生的外傳作品，講述蝙蝠俠為葛咸城與小丑大鬥法，得到一眾DC超級英雄協助的故事。
https://www.youtube.com/watch?v=42JOQHfJeAoRef:as
【 Totaalvoetbal】