雨天揸電單車並唔可怕【裝備篇】

其實真正危險嘅唔係雨天揸車，而係你唔識雨天揸車！上次講完雨天揸電單車嘅技巧，今日就講埋裝備，從內到外全面保障自己！

【選擇雨褸】
1. 衣領：要留意衣領夠唔夠高。拉鏈應該可以拉到包住哂條頸，而且仲會被普通風褸多一塊「翼」，用魔術貼遮住條拉鏈，避免入水。
2. 車線位：買雨褸時有得摸下實物嘅話，就應該反轉佢，睇下下面嘅下車線位有無一層膠包住，無嘅話落雨時會入水。
3. 拉鏈：要確保佢係防水拉鏈，面頭會多一條布料保護條拉鏈，但著嘅時候都要小心唔好俾佢翹起，避免入水。 4. 口袋：倒插設計，口袋開口有布料保護。
5. 袖口：應有魔術貼索緊兩邊手袖。

【選擇雨褲】
1. 橡筋褲頭：雨褲係著喺自己本身條褲上面，所以再買鬆身啲，褲頭一定要夠彈性，亦要夠緊。
2. 褲腳：褲要夠長，有魔術貼用來勒緊褲腳。

【其他裝備、配件】

最好著對防水、防滑嘅鞋，頭盔就搵返個有風鏡（Visor）嘅，唔少人更會喺玻璃噴上放霧氣嘅噴霧。

搞掂個人，最緊要搞埋架車，選用排水能力優厚嘅輪胎，經常保養輪胎，留意胎紋、有無龜裂等等；保養制動，慢慢熟悉雨天嘅制動變化。