偽影評 - Sisterhood《骨妹》
Photo source: 天下一電影製作
依兩個月瘋狂睇奧斯卡提名嘅戲之餘，其實都有間唔時睇吓其他戲。依套《骨妹》早前响澳門國際影展獲獎，再加上筆者本身就好欣賞戲中其中一位演員廖子妤，見有優先場就買飛去睇嘞。
[註︰其實套戲兩位年輕主角都分別拎到香港電影金像獎最佳新演員同最佳女配角提名，都叫金像獎吖哈哈]
故事講述主角詩詩由澳門嫁咗去台灣十幾年，某日睇報紙見到以前姊妹靈靈嘅死訊，於是返返去已經十幾年無返過去嘅澳門。
返到去時發覺人面全非，但係每行一步、每見一個熟識嘅人，都令佢諗返以前同靈靈經歷過嘅一點一滴。
後來詩詩終於發現，靈靈一直以嚟埋响心入面嘅秘密。
故事唔係啲咩好出人意表嘅故仔，亦唔係有咩大起大落嘅橋段，但係又唔知做乜幾催淚。
套戲幾乎所有主要角色都係女性，聽講連幕後人員都多數係女性，可能亦因為咁，情感描述得比較細膩。本身係我睇依套戲原因之一嘅廖子妤，做傻吓傻吓嘅年輕詩詩。
記得佢响啲BTS interview講過，個角色對靈靈嘅感覺係有啲難拿捏，因為好難去定義。
最後見到佢响戲中嘅表現係非常有說服力，詩詩只係單純好想對靈靈好，好想陪住靈靈度過每一個難關。
你無得去定義究竟詩詩對靈靈係點，而且亦唔係依套戲嘅重點。
余香凝飾演靈靈，作為一位新演員，我覺得佢表現的確令人眼前一亮，完全睇唔出依套係佢演嘅第一套電影。
而且聽聞兩位演員演嘅角色同自己性格係剛剛相反，演技就更抵讚。
兩位對手戲甚多，之間嘅情感好自然，一啲都唔做作，令到成套戲好convincing。
至於較為有經驗嘅梁詠琪，今次嘅表現我覺得比當年做《香港仔》更好。
到最後一幕佢發現靈靈秘密嘅喪喊戲，相信在場嘅人都睇到心到實埋。
因為三位演員出色發揮，實在係令本來無乜驚喜嘅故事生色不少。
值得一提嘅係，套戲將澳門唔同嘅面貌都拍得幾好睇，睇完會發現澳門响賭場同大酒店之外，其實仲有更加貼近現實嘅一面。可能有情懷嘅、可能係平凡嘅…依啲場景都好配合到故事，亦為依套戲加分。
當然，套戲未至於去到flawless又或者係好睇到嘩嘩聲（註︰但係其實睇完真係有觀眾大叫「依套咩戲嚟㗎拍得好好睇喊死我啦！」咁），但係我覺得佢絕對做到令觀眾因為詩詩同靈靈嘅感情而感動。
當初好怕題材牽涉同性戀會搞到成件事好假，但係我覺得套戲做得最好嘅地方，係兩位主角嘅感情呈現得好真摯，完全無意欲去賣弄同性戀依個話題。
值得支持，亦俾到驚喜你嘅小品。2月23號上映。
依兩個月瘋狂睇奧斯卡提名嘅戲之餘，其實都有間唔時睇吓其他戲。依套《骨妹》早前响澳門國際影展獲獎，再加上筆者本身就好欣賞戲中其中一位演員廖子妤，見有優先場就買飛去睇嘞。
[註︰其實套戲兩位年輕主角都分別拎到香港電影金像獎最佳新演員同最佳女配角提名，都叫金像獎吖哈哈]
故事講述主角詩詩由澳門嫁咗去台灣十幾年，某日睇報紙見到以前姊妹靈靈嘅死訊，於是返返去已經十幾年無返過去嘅澳門。
返到去時發覺人面全非，但係每行一步、每見一個熟識嘅人，都令佢諗返以前同靈靈經歷過嘅一點一滴。
後來詩詩終於發現，靈靈一直以嚟埋响心入面嘅秘密。
故事唔係啲咩好出人意表嘅故仔，亦唔係有咩大起大落嘅橋段，但係又唔知做乜幾催淚。
套戲幾乎所有主要角色都係女性，聽講連幕後人員都多數係女性，可能亦因為咁，情感描述得比較細膩。本身係我睇依套戲原因之一嘅廖子妤，做傻吓傻吓嘅年輕詩詩。
記得佢响啲BTS interview講過，個角色對靈靈嘅感覺係有啲難拿捏，因為好難去定義。
最後見到佢响戲中嘅表現係非常有說服力，詩詩只係單純好想對靈靈好，好想陪住靈靈度過每一個難關。
你無得去定義究竟詩詩對靈靈係點，而且亦唔係依套戲嘅重點。
余香凝飾演靈靈，作為一位新演員，我覺得佢表現的確令人眼前一亮，完全睇唔出依套係佢演嘅第一套電影。
而且聽聞兩位演員演嘅角色同自己性格係剛剛相反，演技就更抵讚。
兩位對手戲甚多，之間嘅情感好自然，一啲都唔做作，令到成套戲好convincing。
至於較為有經驗嘅梁詠琪，今次嘅表現我覺得比當年做《香港仔》更好。
到最後一幕佢發現靈靈秘密嘅喪喊戲，相信在場嘅人都睇到心到實埋。
因為三位演員出色發揮，實在係令本來無乜驚喜嘅故事生色不少。
值得一提嘅係，套戲將澳門唔同嘅面貌都拍得幾好睇，睇完會發現澳門响賭場同大酒店之外，其實仲有更加貼近現實嘅一面。可能有情懷嘅、可能係平凡嘅…依啲場景都好配合到故事，亦為依套戲加分。
當然，套戲未至於去到flawless又或者係好睇到嘩嘩聲（註︰但係其實睇完真係有觀眾大叫「依套咩戲嚟㗎拍得好好睇喊死我啦！」咁），但係我覺得佢絕對做到令觀眾因為詩詩同靈靈嘅感情而感動。
當初好怕題材牽涉同性戀會搞到成件事好假，但係我覺得套戲做得最好嘅地方，係兩位主角嘅感情呈現得好真摯，完全無意欲去賣弄同性戀依個話題。
值得支持，亦俾到驚喜你嘅小品。2月23號上映。