[高登音樂台] 龕山--(原曲:江山)

在世上 骨灰龕要爭 爭到寶福山
最抵要八萬.無八萬 骨灰放梯間
人在世間 買樓經已慳 死也無位揀 撒海太為難.
自己窮 仔女更窮 月供完 就無力買餸
但多煩 都想有 舒適家棧
為生活 即使困 難 任生存 受歧視冷眼
世人都 講不出我 有多慘

人以前 三餐不會多 身世最坎坷
認真夠折墮 怕肚餓 一生要奔波
臨別世間 買陰宅要慳 仔說無得揀 我慘佢更慘

在世上 骨灰龕要爭 爭到寶福山
最抵要八萬 要八萬 死都嚇翻生
如若撒海 餵魚先算慳 呢世冇得揀 要走有困難

未歸位 升仙太難 為山地 實留下重擔
臨走前 簽好約可訪陰間
住七年 終須要還 又爭地 子嗣共慨歎
未投胎 骨灰跟我 海中散

由以前 俾錢可買罌 變做要交返
冇錢冇運行 要有賺 乜都炒一餐
如未夠奸 炒龕位滿山 仔也無得生 折福又破產