『增肌大法好』Giant Set巨人組幫你增肌減脂一次搞掂哂

咩係巨人組呢?
巨人組係一種好高強度嘅訓練模式，你需要就住目標肌肉連續做幾組動作嚟集中刺激佢，意味住動作同動作之間嘅休息係好短或者冇。
聽落好似circuit training，但係巨人組只係針對一組肌肉，而circuit training係刺激唔同嘅肌群嘅。
巨人組聽落好chur好痴線，但真係好有用。巨人組成日被用嚟發展四頭肌、胸肌等等嘅大肌群。因為佢可以確保到多次數嘅刺激，同時又可以減少間歇，所以又可以唔洗咁多時間，又可以增肌(次數保證)，又可以減脂(心率因間歇減少而提升)，真係唔係節省時間又有效果。試諗下連續做4種動作針對同一組肌肉，當你每個動作做15下，一個巨人組就15*4=60下，齋諗都feel到啲burn同泵。
雖然巨人組真係好辛苦，但係唔建議只係做一組。因為第一組嘅時候多數都處係調整狀態，拎得走嘅只係泵感。第二三組嘅時候，就充分warm up到，可以達到以小帶大嘅效果。

如果鍾意，不妨係下面留言話我知，跟住再去gym操野。
如果唔鍾意，不妨都係下面留言討論，順手話埋我知衰啲乜。