馬德里天台酒吧 Gymage Lounge Resort

去外國，點可以唔感受下當地既nightlife。而識去，一定係去有特色既吧喇。
係馬德里，我就必然介紹呢間天台吧~ Gymage Lounge Resort

佢既位置就係係Callao站既附近，係好多local office boys同OL既蒲點。
呢個尖頂就係呢間bar既標誌，認住佢就去到架喇，估唔到係酒吧都可以感受埋咁具特色既建築風格，係佢下面拎住支酒瓶影出黎既相甚有風格。
一眼望落menu到，D價錢相比老外都嫌貴既老蘭真係大眾化得多!?
圖中既酒名叫做desperado，啤酒加青檸，十分易入口。

夜晚去仲有FEEL。
左手邊個支係無酒精啤酒，想飲既可以同店員講要cerveza sin alcohol。仲有梳化，先到先得，真係坐係到三五知己或者同新朋友都可以傾通宵都不夠!
其實坐係泳池邊同草皮都唔錯，更加有自由度，可以邊行邊飲邊影相邊望住個天同街景。

地址： Calle Corredera Baja de San Pablo, 2, 28004 Madrid, 西班牙