Fashion Walk 的越泰滋味

俾IG 上嘅靚相吸引，之前去咗Fashion Walk 食街新開幕的東南亞餐廳 Minh & Kok 食晚飯。可能座落百德新街嘅關係，餐廳裝橫都幾有格調，還好價錢都未算太貴。

第一樣試係炸豆腐配桔子魚露，豆腐新鮮熱辣，外脆內軟好似食緊臭豆腐咁！桔子魚露重柑桔味且偏酸，感覺開胃，但點太多可能酸過頭。

主食分別係大蝦喇沙及紅蟹肉炸蛋湯金邊粉。前者激讚，湯底味道平衡很好，材料新鮮，暫時係食過最好的喇沙之一！後者就無乜特別，沒太多的鮮味，所謂炸蛋同煎蛋分別唔大。。
飲品Minh 係樜汁加上檸檬草及薄菏葉。老實開頭都驚唔鐘意啲咁「草味」嘅飲品，但飲第一啖就鐘意咗。。檸檬草同薄菏葉感覺勁 fresh, 樜汁係淡淡清甜味，喺食左幾樣濃味嘢嘅情況下，呢杯嘢係勁解渴的！

最後甜品焦糖燉蛋都幾ok, 較特別係自製的椰子雪糕，同埋只係賣$28！

之後已經再encore 咗一次呢間餐廳，推介大家試試：）

From 搵搵食食 Facebook Fanpage:
https://www.facebook.com/findfindeateat
你的一個like係我share 的動力！