【牛頭角。悠閒海濱。MG Cafe】

又係一個想hea 嘅星期日下午，偶然 search 到位於牛頭角海濱嘅 MG Cafe，食品賣相吸引，就決定嚟試一試。

雖然位於工廠區附近，假日應該無乜人流，但當日下午3時都仲有一定人流等位，證明口碑感該不俗！而且離地鐵站都係大概行 5 分鐘距離，尚算方便！

悠雅格調亦令人難以聯想係一家工廠區 cafe :


價錢可以接受：

先叫咗一個 Classic All Day Breakfast，份量望上好似不多，但其實很足夠！亦有出面少有嘅燒蕃茄。炒蛋上嘅黑松露香氣迫人，另加$10的牛角包配上餐內的配料一同進食，好味道！


另一個炒菌芝士焗薯，厚厚拉絲嘅芝士撈埋雜菌同薯仔一齊放入口，又熱又香！而且份量都好足。

比較無咁理想係店內咖啡較啖味，而另一杯Mocha則偏甜，唔係咁啱我嘅口味．．．

慢慢完成呢個 Lunch / Tea，離開後沿海濱慢慢行去觀塘．．感覺好舒服:)
MG Cafe :
觀塘海濱道133號萬兆豐中心地舖