【上水。街市老麵店。林德記】

**不忘讚好我的Facebook 專頁： https://www.facebook.com/findfindeateat

每年為了拜山總會踏足一次水上。而每踏足一個新地方，如果想搵好嘢食都必定會先搵佢哋最出名嘅熟食中心 - 因為多數收埋咗好多老街坊美食！而今次就選擇咗馳名麵家「林德記」。



眼見招牌大大隻字寫住「牛腩雲吞雞翼豬手」，一場嚟到就叫咗一碗平時較少吃嘅豬手撈麵+腩汁試一試。豬手用的是較細隻嘅豬手仔，基本上一口咬得晒，剛剛好。而豬手已燜得十分淰及入味，豬皮嘅膠質感亦十分有咬口。麵質爽口，而另一個重要原素 - 腩汁，不偏咸，仲有少少上湯嘅清甜味道。

另外牛根腩牛肚米，湯底柱喉牛腩味同樣香濃，非常清甜！而果然係招牌貨，15分鐘後當另一位搭枱嘅小姐先後想叫豬手及牛根，都經已賣晒了．．．當時都仲係午飯時間咋。

最後不得不提佢嘅凍奶茶，茶底香濃，同奶味真係好balance ，加上炎熱嘅天氣，飲完有衝動想飲多杯！！

麵加嘢飲人均消費約 $30，又食得飽飽，下年拜山必定會返啅XD

林德記麵食
上水石湖墟市政大廈2樓2號舖