[泰國流浪]香港仔。魚旦流浪記前傳: 搵車篇–2013年1月清邁中集
經過上一集嘅經驗之後，我發現問人呢個方法，雖然唔係太直接，但都係可行！所以當我去到第二間旅館嘅時候，我又照板煮碗去問一下有無VW BUS 嘅下落!今次旅館嘅人同我講，喺離開古城大約一個鐘頭車程，有一個叫Phatu Chang嘅地方，佢話嗰邊夜晚有好多人會揸住架貨車賣嘢，可能會有你想揾嘅車！
嘩！太好喇！！今日又有新目標喇！！我同忠哥食咗個晏畫之後休息一陣就出發啦！先漫無目的咁四圍兜。
沿路兩旁都係呢一種大樹
其實我呢個香港仔，幾十歲人莫講話揸，連坐我都無坐過電單車....好在今次呢個旅程有忠哥呢個車手朋友，佢手車令我呢個「坐後座新丁」都好放心，仲有心情睇下周圍嘅環境! 我同忠哥浪漫地遊咗半個鐘車河之後（其實個事實係我地唔識路啦當然....），我哋突然間開始見到周圍都放滿咗好多用雨傘做嘅裝飾，有啲規模都幾大，個感覺就好似呢頭將會有啲關於雨傘嘅節日或者慶典咁！
周圍突然出現好多雨傘！
除咗雨傘，仲有好多泰國傳統嘅燈飾！
五顏六色嘅雨傘放滿一整條街！
唔... 有傘有聚！
成條街嘅氣氛好繽紛，係果刻，我有半秒以為眼前呢一幕，係為咗歡迎我呢個香港仔蒞臨而準備一樣！而事實就梗係唔係啦,之後我睇返資料，原來清邁係好出名做雨傘嘅，而且有好多都有手繪花紋係上面嘅～
睇完雨傘繼續向前行啦,點知突然間係路邊一座建築物嘅帳篷下，見到啲疑似目標物體!!!!!!
發現疑似目標！
即刻叫忠哥停喺一邊，又即刻衝過去睇清楚啦！
原來搞錯咗，唔係VW VAN !
一睇，點知原來唔係目標物體，但今次嘅主角同魚旦一樣，都係來自德國嘅朋友！
Benz 嚟咖原來！
入面好新淨好靚！
佢嘅size 比起魚旦仲要大啲，大約同我地香港啲16座紅綠頂差唔多啦，但外型都係好可愛，好得人歡心個種!
佢隻baby blue color 同蠢蠢地嘅樣都幾得人喜歡！
第一次見，我都幾喜歡佢，不過最愛嘅都係VW BUS!
既然唔係目標，就唯有繼續同忠哥向前行啦！係亂兜嘅情況下，我哋去咗一個十分地道嘅市集！有好多立立雜雜嘅野買，日常用品同野食咩都有，而大部份我呢個香港仔都唔知係咩嚟嘅...
糯米腸，食一條都飽到嘔...
完全唔知一樽樽嘅係咩...
但有一樣野我好熟！就係炸豬皮啦！
唔知你地有無食過呢？ 呢啲炸豬皮通常係街邊面檔都有得買，同我哋香港嘅炸魚皮食法一樣！即係攞嚟輕輕浸下個湯嚟食嘅！
即炸豬皮
食面嘅絕配！
因為佢炸得比魚皮更脆，所以一浸就要即刻食！脆卜卜又有啲豬油香！下次嚟泰國食街邊嘅面時，見到就記得買一包試下！包你愛上！
豬仔蛋糕岩唔岩？香料又岩唔岩？
菠蘿呢？
生果呢?咩都唔岩!?甘呢度真係唔太岩你...
係市集行下玩下食下，不經不覺又黃昏啦～
好靚嘅黃昏呀~~
終於嚟到夜市嘅環節，我同忠哥滿心期望，希望好似同曼谷個火車夜市情況差唔好！去到個夜市，二話不說，忠哥就泊好車啦！車手不愧係車手！
咁Q多架，走個時搵餐死...
我地泊好車，滿有希望咁入去睇清楚，點知，發現呢知夜市根本只係一個:
普通過唔普通嘅夜市！頂!!!!!!!!
比人水咗，只係一個極其普通嘅夜市!!
莫非呢啲就係高官所講嘅青年舞會!! 好想要吧?
廿蚊，廿蚊，全部廿蚊!!!!!!
呢檔野勁多人食~~~你地估下係食咩??
其實泰國人好鐘意將D 糯米飯用膠袋裝著，之後放入呢D 滕筒入面!
而呢檔主要就係賣燒豬肉同糯米飯!
大部份嘅街邊檔，其實都係有配菜跟埋! 如似相入面嘅香葉同青瓜，等你同D 肉一齊食，無咁膩! 而糯米飯方面，佢地會習慣用手將啲飯禁下禁下，將啲飯變做一個個波，食嘅時候會煙韌啲! 下次試下啦!
好快行完個圈，食埋個燒豬肉糯米飯，我就同忠哥返歸！雖然就搵唔到車，但意外見到成個市區都係雨傘，同遊咗一日車河（真係辛苦晒忠哥...），其實都真係幾爽！
下一篇，繼續同香港仔係清邁毫無目標周圍碌，完成清邁第一次搵車之旅！
************************************************************************************
記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~
https://www.facebook.com/fishballhongkong
嘩！太好喇！！今日又有新目標喇！！我同忠哥食咗個晏畫之後休息一陣就出發啦！先漫無目的咁四圍兜。
沿路兩旁都係呢一種大樹
其實我呢個香港仔，幾十歲人莫講話揸，連坐我都無坐過電單車....好在今次呢個旅程有忠哥呢個車手朋友，佢手車令我呢個「坐後座新丁」都好放心，仲有心情睇下周圍嘅環境! 我同忠哥浪漫地遊咗半個鐘車河之後（其實個事實係我地唔識路啦當然....），我哋突然間開始見到周圍都放滿咗好多用雨傘做嘅裝飾，有啲規模都幾大，個感覺就好似呢頭將會有啲關於雨傘嘅節日或者慶典咁！
周圍突然出現好多雨傘！
除咗雨傘，仲有好多泰國傳統嘅燈飾！
五顏六色嘅雨傘放滿一整條街！
唔... 有傘有聚！
成條街嘅氣氛好繽紛，係果刻，我有半秒以為眼前呢一幕，係為咗歡迎我呢個香港仔蒞臨而準備一樣！而事實就梗係唔係啦,之後我睇返資料，原來清邁係好出名做雨傘嘅，而且有好多都有手繪花紋係上面嘅～
睇完雨傘繼續向前行啦,點知突然間係路邊一座建築物嘅帳篷下，見到啲疑似目標物體!!!!!!
發現疑似目標！
即刻叫忠哥停喺一邊，又即刻衝過去睇清楚啦！
原來搞錯咗，唔係VW VAN !
一睇，點知原來唔係目標物體，但今次嘅主角同魚旦一樣，都係來自德國嘅朋友！
Benz 嚟咖原來！
入面好新淨好靚！
佢嘅size 比起魚旦仲要大啲，大約同我地香港啲16座紅綠頂差唔多啦，但外型都係好可愛，好得人歡心個種!
佢隻baby blue color 同蠢蠢地嘅樣都幾得人喜歡！
第一次見，我都幾喜歡佢，不過最愛嘅都係VW BUS!
既然唔係目標，就唯有繼續同忠哥向前行啦！係亂兜嘅情況下，我哋去咗一個十分地道嘅市集！有好多立立雜雜嘅野買，日常用品同野食咩都有，而大部份我呢個香港仔都唔知係咩嚟嘅...
糯米腸，食一條都飽到嘔...
完全唔知一樽樽嘅係咩...
但有一樣野我好熟！就係炸豬皮啦！
唔知你地有無食過呢？ 呢啲炸豬皮通常係街邊面檔都有得買，同我哋香港嘅炸魚皮食法一樣！即係攞嚟輕輕浸下個湯嚟食嘅！
即炸豬皮
食面嘅絕配！
因為佢炸得比魚皮更脆，所以一浸就要即刻食！脆卜卜又有啲豬油香！下次嚟泰國食街邊嘅面時，見到就記得買一包試下！包你愛上！
豬仔蛋糕岩唔岩？香料又岩唔岩？
菠蘿呢？
生果呢?咩都唔岩!?甘呢度真係唔太岩你...
係市集行下玩下食下，不經不覺又黃昏啦～
好靚嘅黃昏呀~~
終於嚟到夜市嘅環節，我同忠哥滿心期望，希望好似同曼谷個火車夜市情況差唔好！去到個夜市，二話不說，忠哥就泊好車啦！車手不愧係車手！
咁Q多架，走個時搵餐死...
我地泊好車，滿有希望咁入去睇清楚，點知，發現呢知夜市根本只係一個:
普通過唔普通嘅夜市！頂!!!!!!!!
比人水咗，只係一個極其普通嘅夜市!!
莫非呢啲就係高官所講嘅青年舞會!! 好想要吧?
廿蚊，廿蚊，全部廿蚊!!!!!!
呢檔野勁多人食~~~你地估下係食咩??
其實泰國人好鐘意將D 糯米飯用膠袋裝著，之後放入呢D 滕筒入面!
而呢檔主要就係賣燒豬肉同糯米飯!
大部份嘅街邊檔，其實都係有配菜跟埋! 如似相入面嘅香葉同青瓜，等你同D 肉一齊食，無咁膩! 而糯米飯方面，佢地會習慣用手將啲飯禁下禁下，將啲飯變做一個個波，食嘅時候會煙韌啲! 下次試下啦!
好快行完個圈，食埋個燒豬肉糯米飯，我就同忠哥返歸！雖然就搵唔到車，但意外見到成個市區都係雨傘，同遊咗一日車河（真係辛苦晒忠哥...），其實都真係幾爽！
下一篇，繼續同香港仔係清邁毫無目標周圍碌，完成清邁第一次搵車之旅！
************************************************************************************
記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~
https://www.facebook.com/fishballhongkong