仲Fit過以前！里奧費迪南轉行做職業拳手：我可以閃避雨點
曼聯名宿里奧費迪南喺球場上就防守出眾，唔知上到擂台係咪一樣咁守得呢？根據《Sky Sports》報導，里奧費迪南將會喺英國時間9月19日周二之內有重大消息公佈，相信係會宣佈自己將會成為職業拳手。
喺掛靴之後，里奧除咗喺電視台講波，仲開始進行拳擊訓練，所以可以見到佢身型依然fit到漏油，而佢都會將訓練嘅片段up上Instagram。
睇吓佢幾fit：
仲大隻過踢波嗰時……
仲好勤力訓練：
里奧之前就喺4月去咗溫布萊睇拳賽，呢場由約書亞 (Anthony Joshua) 大戰基列施高 (Wladimir Klitschko)
嘅重量級大戰，最終由約書亞 (AJ) 勝出，里奧仲拎咗人哋條金腰帶影相添！
最近，里奧繼續積極訓練，上載咗一條片，影住佢喺度避網球，caption就話自己連雨點都閃到，唔通上到擂台都係防守專家？咁就要睇過先知喇。
里奧絕對唔係第一個轉行打職業拳嘅足球員，亦都有啲成功例子，就好似前伯明翰中場活侯特 (Curtis Woodhouse) 咁，佢喺2014年贏咗英國超輕量級冠軍，拳擊生涯錄得23勝7負，13次KO對手，佢知道里奧即將轉為職業拳手之後，透過記者鼓勵對方：「如果里奧費迪南決定嘗試成為職業拳手，祝佢一切順利。話佢做到或者做唔到嘅人，都係搞掂自己先啦。」
Source: Skysports、Mirror、TheSun
喺掛靴之後，里奧除咗喺電視台講波，仲開始進行拳擊訓練，所以可以見到佢身型依然fit到漏油，而佢都會將訓練嘅片段up上Instagram。
睇吓佢幾fit：
仲大隻過踢波嗰時……
仲好勤力訓練：
里奧之前就喺4月去咗溫布萊睇拳賽，呢場由約書亞 (Anthony Joshua) 大戰基列施高 (Wladimir Klitschko)
嘅重量級大戰，最終由約書亞 (AJ) 勝出，里奧仲拎咗人哋條金腰帶影相添！
最近，里奧繼續積極訓練，上載咗一條片，影住佢喺度避網球，caption就話自己連雨點都閃到，唔通上到擂台都係防守專家？咁就要睇過先知喇。
里奧絕對唔係第一個轉行打職業拳嘅足球員，亦都有啲成功例子，就好似前伯明翰中場活侯特 (Curtis Woodhouse) 咁，佢喺2014年贏咗英國超輕量級冠軍，拳擊生涯錄得23勝7負，13次KO對手，佢知道里奧即將轉為職業拳手之後，透過記者鼓勵對方：「如果里奧費迪南決定嘗試成為職業拳手，祝佢一切順利。話佢做到或者做唔到嘅人，都係搞掂自己先啦。」
Source: Skysports、Mirror、TheSun